Za palityku asudzili šmatdzietnaha baćku-viernika. Jaho žonka pamierła dva hady tamu
Jaŭhiena Kudzina pryznali vinavatym, ale pakinuli na svabodzie.
Minski haradski sud vynies prysud pa spravie 38-hadovaha minčuka Jaŭhiena Kudzina. Mužčynu abvinavačvali ŭ «zaklikach da naniasieńnia škody nacyjanalnaj biaśpiecy» (č. 3 art. 361 Kryminalnaha kodeksa), jamu pahražała ad 4 da 12 hadoŭ kałonii.
Naturalna, apraŭdać pa padobnaj palityčnaj spravie jaho nie mahli, biełaruskaja represiŭnaja sistema nie robić tak. Ale vyhladaje, što ŭsio ž udałosia znajści niejkuju takuju jurydyčnuju farmuloŭku, kab pryznać Kudzina vinavatym, ale pakinuć na svabodzie.
Mahčyma, reč u tym, što Jaŭhien Kudzin — šmatdzietny baćka. U jaho try syny — starejšy tolki skončyŭ pieršy kłas, małodšamu try hady. Žonka Jaŭhiena Viera pamierła dva hady tamu. Mužčyna ažaniŭsia jašče raz, ale, mahčyma, zastaŭsia adzinym zakonnym pradstaŭnikom dziaciej.
Kudziny — prychadžanie jevanhielskaj carkvy «Błahadać». Jaŭhien — vielmi siamiejny čałaviek, u jaho sacsietkach niemahčyma znajści nivodzin zdymak, dzie b jon byŭ nie ź dziećmi.
Heta druhi viadomy vypadak za apošni čas, kali sudy demanstrujuć «humannaść» pa palityčnych spravach i nie pryznačajuć pakarańnie. U kancy maja 2025 hoda Ninie Bahinskaj nie stali pryznačać ni chatniuju chimiju, ni termin u kałonii, a abmiežavalisia previentyŭnym nahladam.
Razam z tym u Biełarusi pa-raniejšamu naličvajecca amal 1200 palitźniavolenych.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary