Śpiecpradstaŭnik ZŠA prakamientavaŭ ataki ŭkrainskich dronaŭ pa rasijsikich aeradromach padčas apieracyi SBU «Pavucińnie»
Kiełah zaniepakoiŭsia pavyšeńniem «uzroŭniu ryzyk» praz apieracyju «Pavucińnie».
Śpiecyjalny pradstaŭnik prezidenta ZŠA ŭ spravach Ukrainy Kit Kiełah zajaviŭ, što śpiecapieracyja «Pavucińnie» pavysiła ŭzrovień ryzyk u vajnie z Rasijaj, choć i pryznaŭ śmiełaść hetaj apieracyi. Pra heta Kiełah skazaŭ u intervju Fox News, paviedamlaje «Jeŭrapiejskaja praŭda».
Pavodle jaho słoŭ, Ukraina pakazała zdolnaść nanosić udary pa rasijskich abjektach hłyboka na terytoryi RF. Jon dadaŭ, što značeńnie hetych udaraŭ zaklučajecca nie stolki ŭ źniščeńni samalotaŭ, kolki ŭ psichałahičnym efiekcie, jaki jany akazvajuć na rasijskaje kiraŭnictva i vajskoŭcaŭ.
Adnak razam z tym Kiełah vykazaŭ zaniepakojenaść tym, što takija ataki mohuć pavialičyć ryzyku eskałacyi.
«Kali vy atakujecie častku nacyjanalnaj sistemy vyžyvańnia praciŭnika, a mienavita jaho jadziernuju tryjadu, heta aznačaje, što ŭzrovień ryzyki ŭzrastaje, bo vy nie viedajecie, jak adreahuje inšy bok… Heta vielmi śmiełaja ataka. Ale kali vy heta robicie, całkam zrazumieła, što ŭsie astatnija ŭzroŭni [eskałacyi] taksama rastuć. Ja dumaju, mienavita hetaha my sprabujem paźbiehnuć», — skazaŭ Kiełah.
U toj ža čas jon dadaŭ: hetaja śpiecapieracyja pakazała, što Ukraina nie źbirajecca zdavacca.
«Ukraina, pa sutnaści, havoryć: my taksama možam hulać u hetuju hulniu. I jany mohuć pavysić uzrovień ryzyki da tych miežaŭ, jakija, na maju dumku, źjaŭlajucca nieprymalnymi», — adznačyŭ jon.
Raniej amierykanski sienatar Ryčard Błumiental paraŭnaŭ ataki ŭkrainskich bieśpiłotnikaŭ na vajskovyja abjekty ŭhłyb Rasii z apieracyjaj pa likvidacyi «terarysta №1» Usamy bien Ładena.
Pavodle prezidenta Ukrainy Uładzimira Zialenskaha, apieracyja Słužby biaśpieki Ukrainy «Pavucińnie» prademanstravała, što Ukraina zdolnaja prymać efiektyŭnyja taktyčnyja rašeńni padčas vajny.
1 červienia Ukraina praviała masiravanuju ataku na vajskovyja aeradromy Rasii. Drony padvieźli da aeradromaŭ u furach.
«My ž nie viedali, što tam znachodzicca aeradrom». Biełarus Anton Mackievič patłumačyŭ, čamu sprabavaŭ spynić ukrainskija drony z fury
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton
Kiroŭcy fur z dronami, što atakavali rasijskija aeradromy, raskazali, chto i navošta ich naniaŭ
«Ruski Piorł-Charbar». Z-kanały ŭ šoku ad ukrainskaj ataki na rasijskija aeradromy
Ukraina masiravana atakavała rasijskija aeradromy i źniščała bambardzirovačnuju avijacyju
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary
Jakoj jašče eskałacyi jon baicca? Rasieja i tak robić usio mahčymaje, kab źniščyć Ukrainu i ŭkraincaŭ.
Jadziernaj vajny?
Kali Rasieja zaraz ža nie adkazała "eskałacyjaj", značyć, jaje čyrvonyja linii jašče nie tut. (Tut čarhovyja karyčnievyja).
[Zredahavana]