Za zdymki na vakzale ŭ viciebskim SIZA trymajuć aršanca Jaŭhiena Bodrykava
Suprać aršanca Jaŭhiena Bodrykava raspačali kryminalnuju spravu — najvierahodniej, za fatahrafavańnie pierasoŭvańniaŭ vajskovaj techniki, piša «Viciebskaja viasna».
Jaŭhien Bodrykaŭ — 27-hadovy ŭradženiec Oršy. Jon skončyŭ aršanskuju SŠ №17, byŭ pieramožcam pradmietnych alimpijadaŭ pa historyi: u 2014 hodzie zdoleŭ pieramahčy navat na respublikanskaj alimpijadzie. Byŭ uznaharodžany hrašovym siertyfikatam ad imia rajonnaha ŭpraŭleńnia adukacyi.
Paśla škoły Bodrykaŭ pastupiŭ na biudžetnuju formu navučańnia na histfak BDU, byŭ u studenckim aktyvie, dobra zarekamiendavaŭ siabie padčas praktyki ŭ minskaj himnazii №20.
U 2020 hodzie chłopiec byŭ zatrymany i źbity padčas pratestaŭ u Minsku: z čerapna-mazhavoj traŭmaj trapiŭ u špital. Paśla byŭ aštrafavany sudom Frunzienskaha rajona na 675 rubloŭ pa č. 1 art. 24.23 KaAP za udzieł u niesankcyjanavanym masavym mierapryjemstvie.
U 2022 hodzie pa tym samym artykule sud u Oršy pakaraŭ jaho aryštam na 15 sutak za fotazdymak u sacsietkach, dzie na chłopcy była majka z Pahoniaj.
Kamientary
A, nu “svaich” ža nie čapajuć.