Taksama prezident ZŠA daterminova pakinuŭ samit G7.
Prezident ZŠA Donald Tramp zajaviŭ praz tvit, što ŭsim žycharam Tehierana treba nieadkładna evakujavacca, piša Bi-bi-si.
«Iranu treba było padpisać hetuju «ździełku», jakuju ja zahadaŭ im padpisać. Jak škada, kolki marnych śmierciaŭ. Praściej kažučy, IRAN NIE MOŽA MIEĆ JADZIERNAJ ZBROI. Ja havaryŭ pra heta znoŭ i znoŭ! Usim treba nieadkładna evakujavacca z Tehierana!», — havorycca ŭ paviedamleńni Trampa ŭ jaho sietcy TruthSocial.
Jak heta časta byvaje z zajavami Trampa, što mienavita jon mieŭ na ŭvazie, niezrazumieła.
Nieŭzabavie paśla taho, jak Donald Tramp praz tvit zajaviŭ, što ŭsim žycharam Tehierana treba nieadkładna evakujavacca, jaho pres-sakratar anałahičnym čynam abviaściła, što jon daterminova pakidaje samit «vialikaj siamiorki» ŭ Kanadzie, kab «zaniacca mnohimi važnymi spravami».
«Z-za taho, što adbyvajecca na Blizkim Uschodzie, prezident Tramp vyjedzie siońnia paśla viačery z kiraŭnikami dziaržaŭ», — napisała pres-sakratar Biełaha doma Kerałajn Livit u sietcy X.
Taksama Tramp zahadaŭ sklikać u Biełym domie pasiadžeńnie Rady nacyjanalnaj biaśpieki — pra heta paviedamili žurnalisty dvuch amierykanskich telekanałaŭ.
Spačatku pra rašeńnie Trampa terminova sklikać Radu nacbiaśpieki ŭ situacyjnym kabiniecie ŭ Biełym domie paviedamiŭ u sietcy X reparcior Fox News, nieŭzabavie takuju ž infarmacyju atrymała ad ananimnaj krynicy ŭ administracyi Trampa telekampanija CNN.
CNN dadaje, što jaje krynica nie ŭdakładniła, choča Tramp sklikać radu nieadkładna, ci ŭžo pa viartańni z Kanady.
U skład Rady nacyjanalnaj biaśpieki ZŠA ŭvachodziać vyšejšyja słužbovyja asoby, uklučajučy dziaržaŭnaha sakratara, ministra abarony i dyrektara nacyjanalnaj raźviedki.
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi14
Kamientary