Ekanomika33

Biełaruski eks-ministr pryros aktyvam u Polščy, ale nie zabyvaje pra Rasiju

Aktyvam u Polščy abzavioŭsia eks-ministr transpartu i kamunikacyj Biełarusi (u 2001-2005 hh.) Michaił Baravy. 

Michaił Baravy

Michaił Baravy — kiraŭnik i saŭładalnik biełastockaj transpartnaj kampanii Bagpol, stvoranaj u 2022 hodzie, piša ekanamičny ahladalnik Vadzim Siachovič. 

Razam z Taćcianaj Baravoj u viadomaha biźniesmiena na siońniašni momant u joj dola 24%. Astatniaja — u hramadzianki Hiermanii Dyjany Bichn. Pa vynikach 2023 hoda vyručka sumiesnaha biźniesu skłała 3,1 młn złotych. Ale Bagpol pryniesła svaim uładalnikam 1,1 młn złotych straty.

Michaił Baravy — pradstaŭnik bieź pierabolšańnia samaj viadomaj siamji ŭ biełaruskim transpartnym biźniesie. U 1989 hodzie jon stvaryŭ na bazie dziaržaŭnaha abjadnańnia «Aŭtaramont» pryvatnuju kampaniju «Biełaŭtahaz». Hety biźnies zarabiŭ vialikija hrošy na pieraabstalavańni aŭtamabilaŭ na haz, a potym zaniaŭsia servisam techniki, handlem hruzavikami i zapčastkami, a taksama aŭtapieravozkami.

U 2001-2005 hadach biźniesmien uvajšoŭ va ŭrad, atrymaŭšy pasadu ministra transpartu i kamunikacyj. Pradprymalnik va ŭładzie — heta ŭsiaho tolki adzin z dvuch vypadkaŭ u najnoŭšaj historyi Biełarusi (druhi — vice-premjerskaja pasada akcyjaniera «Kieramina» Anatola Ciuciunava).

Brat Michaiła Baravoha Mikałaj u pieršyja hady niezaležnaści Biełarusi ŭznačalvaŭ najbujniejšaha na rynku dziaržaŭnaha mižnarodnaha aŭtapieravozčyka — kancern «Biełmahistralaŭtatrans». A zatym staŭ (i zastajecca pa hety dzień) staršynioj Biełaruskaj asacyjacyi mižnarodnych aŭtamabilnych pieravozčykaŭ.

Pa danych Siachoviča, u Michaiła Baravoha akramia Biełarusi i Polščy jość intaresy ŭ Rasii.

Jon šmat hadoŭ uznačalvaje i da pačatku 2025 hoda byŭ saŭładalnikam Branskaha aŭtapieravozčyka «RBK-Trans» (stvorana ŭ 2008 h.). I ŭ hetym hodzie Michaił Baravy zasnavaŭ i staŭ na čale jašče adnaho transpartnaha biźniesu ŭ hetym ža rasijskim horadzie — kampanii «M-Trans».

Kamientary3

  • daviedka
    17.06.2025
    Bypol znaju, Belpol znaju, Bagpol nie znaju.
  • A što jon tut robić?
    17.06.2025
    Jaki chitražopy
  • Opy
    17.06.2025
    A što jon tut robić?,

    >Jaki chitražopy
    Kartopolačnik obyčnyj
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym4

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym

Usie naviny →
Usie naviny

U Kramatorsku źbiehli z-pad ukrainskaha kanvoju čaćviora rasijskich vajskoŭcaŭ3

Na raskopkach u Kreŭskim zamku znajšli niekalki kukuciaŭ. Što heta takoje?1

Karniej raskazaŭ, jak z-za kancłahiernaj chudzizny jaho prymajuć za Cichanoŭskaha. Heta vyklikaje kamičnyja situacyi3

Biełarus pakazaŭ, jaki pradukt kaštuje 575 rubloŭ za kiłahram4

Cana — užo nie klučavy faktar. Što adbyvajecca na rynku zaharadnaj nieruchomaści kala stalicy

Čamu chvaroby maładziejuć? Tłumačyć doktar12

Syn supracoŭnika biełaruskaha KDB vierbavaŭ u Polščy ludziej dla napadu na rasijskich apazicyjanieraŭ8

Što ciapier z kramami «Vostraŭ čyścini»?1

Vyjšaŭ na svabodu były top-žurnalist ANT Dźmitryj Siemčanka12

bolš čytanych navin
bolš łajkanych navin

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym4

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym

Hałoŭnaje
Usie naviny →

Zaŭvaha:

 

 

 

 

Zakryć Paviedamić