U Ščučynie plamieńnik ź siabram zabili 40-hadovaha mužčynu i źniali heta na videa
Pavodle Śledčaha kamiteta, trahiedyja adbyłasia ŭ Ščučynie 1 lipienia, u hety dzień da 41-hadovaha mužčyny pryjšli jaho 20-hadovy plamieńnik i 19-hadovy siabar. Kampanija ŭžyvała śpirtnoje, paśla čaho pamiž imi ŭźnik kanflikt.
U chodzie svarki maładyja ludzi žorstka źbili haspadara doma: nanieśli nie mienš za 10 udaraŭ pa hałavie i kala 30 udaraŭ pa ciele, bili rukami, nahami, pradmietami. Miedyki kanstatavali ciažkija cialesnyja paškodžańni, pierałom rebraŭ, stratu kryvi i traŭmatyčny šok. Mužčyna pamior na miescy.
Padazravanyja zrazumieli, što jon nie dychaje, tolki na nastupny viečar. Jany paviedamili pra heta susiedziam, jakija vyklikali chutkuju dapamohu. Miedyki paćvierdzili śmierć.
Śledstva vyśvietliła, što momant źbićcia byŭ zafiksavany na videa ŭ mabilnym telefonie, jakoje maładyja ludzi paźniej dasłali znajomym z metaj «zrabić uražańnie».
Padazravanyja dapytanyja, ale padrabiazna ŭzhadać padziei i pryčyny kanfliktu jany nie zdoleli.
Kamientary