Vajenha, Łazaraŭ i Avieryn. Na čyje vystupleńni na «Słavianskim bazary» ŭžo raskupili kvitki
U pačatku lipienia ŭ Viciebsku pačniecca štohadovy «Słavianski bazar» — dla dziaciej i dla darosłych buduć vystupać tyktokiery, muzyki i artysty pieravažna z Rasii i Biełarusi. Na kancerty i śpiektakli niekatorych užo raspradali ŭsie kvitki.
Adkryćcio «Słavianskaha bazaru» adbudziecca ŭviečary 10 lipienia. Kvitki na jaho pradavali za 70-250 rubloŭ, ale svabodnych miescaŭ užo nie zastałosia.
Toje ž datyčycca i cyrymonii zakryćcia — kvitkoŭ pa 55-185 rubloŭ bolš niama.
Sołd-aŭty ŭžo i na kancertach rasijskaj šanson-śpiavački Aleny Vajenhi i pop-muzyki Siarhieja Łazarava, jaki vystupić razam z hrupaj baletu i z fanahramaj.
Nie atrymajecca patrapić i na monaśpiektakl rasijskaha artysta Maksima Avieryna «Navučy mianie žyć». Abiacajuć, što tam budzie «paŭnavartasnaje teatralnaje dziejańnie» z muzykaj, videa i paezijaj.
Nie zastałosia kvitkoŭ na śpiektakli ad rasijskich teatraŭ «Izierhil», «Piać viečaroŭ» i «Miortvyja dušy».
Adzinaja biełaruskaja pastanoŭka, na jakuju ŭžo nie patrapić, — «Žanićba» pa Hohali ad Biełaruskaha dziaržaŭnaha teatru junaha hledača.
Užo nie atrymajecca nabyć i kvitki da hruzinskaha hurta Bravo Metehi, vystup jakoha zapłanavany na 9 lipienia. U svajoj tvorčaści muzyki kambinujuć falkłornyja i estradnyja styli, śpiavajuć na hruzinskaj movie. U listapadzie 2020 hoda hurt vypuściŭ ruskamoŭny kavier na «Biełaviežskuju pušču».
Siarod inšych mierapryjemstvaŭ, kudy zaprašajuć arhanizatary, jość vystup «Zorak tyktoku» (u tym liku Dzim Dzimyča i błohiera Kabiakova). Uvachod tudy budzie kaštavać ad 40 da 75 rubloŭ.
Kancerty rasijskich artystaŭ (Stasa Michajłava, Volhi Buzavaj, Aleha Majami i inšych) abyducca ŭ 75-155 rubloŭ.
Teatralnyja pastanoŭki buduć tańniejšymi: ad 18 da 65 rubloŭ. Darečy, dźvie ź ich projduć biełaruskaj movie — «Kacioł z kamieńčykami» pa Uładzimiry Karatkievičy i «Dziujmovačka» pa Hansie Chryścijanie Andersanie ad viciebskaha teatra «Lalka».
Pasłuchać u Viciebsku možna budzie i 21-hadovuju Naściu Kraŭčanka — pop-śpiavačku, jakaja pradstavić Biełaruś na «Interbačańni» (muzyčny konkurs, stvorany ŭ adkaz na «Jeŭrabačańnie»).
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary