Chrenin: Biełaruś zacikaŭlena ŭ pašyreńni vajskovaha supracoŭnictva ź Iranam
Ministr abarony Biełarusi sustreŭsia ź ministram abarony i padtrymki Uzbrojenych cił Irana Azizam Nasirzade. Sustreča prajšła ŭ kitajskim Cindaa na palach narady ministraŭ abarony dziaržaŭ — členaŭ Šanchajskaj arhanizacyi supracoŭnictva.
Baki abmianialisia dumkami pa aktualnych pytańniach mižnarodnaha paradku dnia, abmierkavali biahučy stan supracoŭnictva ŭ vajskovaj śfiery. Chrenin adznačyŭ, što sustreča demanstruje imknieńnie Biełarusi i Irana da vybudoŭvańnia ŭzajemavyhadnych adnosin jak u dvuchbakovym, tak i šmatbakovym farmacie, paviedamlaje pres-słužba Minabarony.
«U ciapierašnich umovach niaprostaj vajenna-palityčnaj abstanoŭki jak nikoli važna prajaŭlać maksimalnuju vytrymku. Pa — raniejšamu ličym, što dypłamatyja źjaŭlajecca adzinym sposabam zachavańnia tysiač žyćciaŭ i takoha miru na ziamli», — zajaviŭ ministr abarony Biełarusi.
Padčas sustrečy Chrenin paćvierdziŭ zacikaŭlenaść Biełarusi ŭ pašyreńni supracoŭnictva ź Iranam i hatoŭnaść da adkrytaha dyjałohu pa ŭsich pytańniach.
Kamientary