Vydaviectva źbiraje zamovy na ananimnuju knihu, jakaja napisana ŭ Biełarusi pra žyćcio tam
Heta ananimny dziońnik žančyny, jakaja apisvaje svajo žyćcio ŭ Biełarusi z sakavika 2021 hoda pa luty 2022-ha. Padziei adbyvajucca ŭžo paśla asnoŭnaj chvali pratestaŭ, ale represii i strach praciahvajucca. Aŭtarka pakazvaje nie tolki palityčny i hramadski kantekst, ale i jak heta ŭpłyvaje na asabistaje.
«Dziońnik» byŭ napisany ŭ Biełarusi ŭ 2021-2022 hadach.
«Jaho publikacyja z kožnym hodam stanaviłasia ŭsio bolš dalikatnaj i niebiaśpiečnaj, bo situacyja paśla padaŭlenaj revalucyi abvastrałasia, i adnačasova ŭsio mienš i mienš navin dachodziła da źniešniaha śvietu. Aŭtarka sutyknułasia z vybaram: albo samastojna cenzuravać dziońnik, albo apublikavać jaho pad psieŭdanimam. Samacenzura była vyklučana, a psieŭdanim, nie abrany dobraachvotna, bolš abmiažoŭvaje, čym vyzvalaje. Tamu było vyrašana zrabić niemahčymaść nazvać aŭtara bačnaj: miesca, dzie pavinna źjavicca imia, zastajecca pustym», — tłumačyć prajekt «33 knihi dla inšaĭ Biełarusi».
Revalucyja, emihracyja, razbureńnie sietak — važnyja, ale nie adzinyja temy ŭ hetym dziońniku. Takija temy, jak kachańnie, adnosiny z baćkami, pavaha da siabie i ŭłasnaja cełasnaść, nie źnikajuć u revalucyi, a stanoviacca jašče bolš vostrymi.
«Kali rašeńnie zastacca ŭ Biełarusi adkidajecca jak niaśpiełaje, kali čałaviek žyvie jak homaseksuał u krainie, dzie dla hetaj identyčnaści niama miesca ŭ publičnaj prastory, kali najbližejšych siabroŭ vyklikajuć na dopyt, mnohija ekzistencyjalnyja pytańni ŭźnikajuć pa-novamu i niezvyčajna. Dziońnikavyja zapisy adlustroŭvajuć baraćbu za prastory, dzie ruch usio jašče mahčymy, prastory svabody ŭ zastyłaj situacyi, dzie kožny ruch moža być niebiaśpiečnym. Napisańnie dziońnika stanovicca rucham, jaki padtrymlivaje žyćcio», — piša vydaviectva «Mianie niama», jakoje pracuje ŭ vyhnańni ŭ Varšavie i dzie vyjdzie kniha.
Knihu ŭžo možna zamović zahadzia.
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola2
Kamientary