U Viciebsku jość mohiłki, jakija ździŭlajuć raskošaj. Chto ž tam pachavany?
Adno ź miescaŭ pachavańnia na Arechaŭskich mohiłkach u Viciebsku nie pieršy hod uražvaje naviedvalnikaŭ. Kamu jano naležyć?
Žančyna z Barysava, jakaja pracuje ŭ śfiery rytualnych pasłuh, pakazała ŭ svaim instahramie niezvyčajnaje miesca na Arechaŭskich mohiłkach u Viciebsku.
Nadmahille abaroniena ad kapryzaŭ nadvorja vytančanym kavanym naviesam ź biełymi firankami. Centralny pomnik vykanany ŭ vyhladzie anioła, jaki schiliŭsia nad sercam, dzie raźmieščana fota maładoj žančyny. Usia prastora ŭpryhožana žyvymi i štučnymi kvietkami, minijaciurnymi skulpturami i fatahrafijami niabožčycy. Dla tych, chto prychodzić ušanavać jaje pamiać, ustalavana stylovaja łaŭka ź miakkimi pufikami.
Nasuprać pabudavana kaplica, jakaja nosić nazvu Volhinskaj. Unutry davoli ŭtulna — jość navat puchnaty bieły dyvan.
Kab zaścierahčy miemaryjalny kompleks ad vandałaŭ, pastavili videanazirańnie.
Pachavana tam Volha Piłatava. Žančyna była pradprymalnicaj, zasnavalnicaj viciebskaha elektratechničnaha pradpryjemstva «Śviatło», adnaho z najbujniejšych vytvorcaŭ śviatłotechničnaj pradukcyi ŭ rehijonie.
Jana była nieabyjakavym čałaviekam: u 2020 hodzie, u razhar pandemii karanavirusa, zamaŭlała ŭ kafe kompleksnyja abiedy dla ŭsich supracoŭnikaŭ Viciebskaj haradskoj centralnaj palikliniki. Uličvajučy, što miedyki tady litaralna žyli na pracy, heta było vielmi nieabchodnaja dapamoha.
Volha pamierła ŭ 2021 hodzie ad ankałohii, nie paśpieŭšy adśviatkavać 50-hodździe.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary