Nacyjanalny statystyčny kamitet Biełarusi apublikavaŭ danyja ab źniešnim handli tavarami za studzień—maj 2025 hoda, i jany śviedčać pra narastańnie niehatyŭnych tendencyj. U paraŭnańni z anałahičnym pieryjadam minułaha hoda ekspart biełaruskich tavaraŭ źniziŭsia, u toj čas jak impart praciahvaje raści. U vyniku deficyt źniešniaha handlu dasiahnuŭ 2,6 miljarda dołaraŭ ZŠA — na miljard bolš, čym za toj ža pieryjad u 2024 hodzie.
Ahulny tavarazvarot za piać miesiacaŭ skłaŭ 33,9 miljarda dołaraŭ, što amal na 0,3% nižej, čym hod tamu. Pry hetym ekspart upaŭ na 3,3% — da 15,65 młrd dołaraŭ, u toj čas jak impart vyras na 2,4% i skłaŭ 18,26 młrd dołaraŭ. Heta značyć, Biełaruś usio bolš nabyvaje zamiežnych tavaraŭ, ale ŭsio mienš pradaje ŭłasnaj pradukcyi na źniešnich rynkach.
Stanoŭčaje salda zachavałasia ŭ handli z krainami SND — $757 młn. Tut ekspart zastaŭsia na ŭzroŭni minułaha hoda, a impart navat krychu źmienšyŭsia.
Na hetym fonie asabliva kantrasna vyhladaje situacyja z krainami pa-za miežami SND, dzie deficyt skłaŭ 3,36 młrd dołaraŭ. Tut ekspart zvaliŭsia na 11%, a impart, naadvarot, pavialičyŭsia na 6,6%.
Ciapier čytajuć
Polšča pryznała Alaksandra Mašenskaha niepažadanaj asobaj34
Kamientary