«Ni ŭ jakim razie ja nie rabiŭ zajavy». Kiełah źniapraŭdziŭ słovy Łukašenki
Śpiecyjalny pradstaŭnik prezidenta ZŠA Kit Kiełah adreahavaŭ na słovy Alaksandra Łukašenki adnosna ich abmierkavańnia vajny va Ukrainie.
Kiełah źviarnuŭ uvahu na publikacyju ŭ rasijskim vydańni «Hazieta. Ru». Tam akcent byŭ zrobleny na słovy Łukašenki, što Kiełah nibyta paabiacaŭ jamu «papracavać» nad tym, kab USU nie bili pa RF.
«Hetaja cytata vyrvana z kantekstu. U majoj razmovie z Łukašenkam my abmiarkoŭvali poŭnaje i biezumoŭnaje spynieńnie ahniu. Lubyja abmiežavańni dziejnaści Kijeva byli abumoŭleny adekvatnymi ŭzajemnymi dziejańniami z boku Maskvy. Ni ŭ jakim razie ja nie rabiŭ zajavy, źviazanyja ź viadzieńniem Ukrainaj vajny pa-za miežami poŭnaha spynieńnia ahniu», — napisaŭ Kiełah.
«Hazieta. Ru» sa spasyłkaju na BiełTA napisała, što Łukašenka na pieramovach z Kiełaham «davioŭ da Vašynhtona pazicyju Maskvy pa ŭrehulavańni rasijska-ŭkrainskaha kanfliktu».
«Adznačajecca, što śpiecpasłańnik prezidenta ZŠA Kit Kiełah paabiacaŭ kiraŭniku respubliki «papracavać» nad tym, kab Kijeŭ nie nanosiŭ udaraŭ pa terytoryi Rasii. Na dumku Łukašenki, heta budzie dobry krok da spynieńnia kanfliktu», — napisała vydańnie.
Łukašenka sustreŭsia sa śpiecpasłańnikam Trampa Kitam Kiełaham 21 červienia. Paśla hetaha byli vyzvalenyja i departavanyja ź Biełarusi 14 palitviaźniaŭ, u tym liku Siarhiej Cichanoŭski.
Ciapier čytajuć
Ci chočuć biełarusy sajuza z Rasijaj? Vyniki novaha apytańnia19
Kamientary