Dahetul zasakrecili častku źviestak ab rasijskaj ekanomicy i abaronnaj śfiery.
U novym zborniku Rasstata, apublikavanym 2 lipienia, całkam adsutničaje raździeł «Demahrafija». Faktyčna, rasijskija ŭłady schavali ŭsio, akramia dvuch pakazčykaŭ, piša «Ahientstvo».
U raździele «Demahrafija», jaki pierastaŭ publikavacca, utrymlivalisia nastupnyja danyja:
- kolkaść pastajannaha nasielnictva Rasii,
- mihracyjny pryrost,
- kolkaść narodžanych,
- kolkaść pamierłych,
- kolkaść mihrantaŭ, jakija pierasialajucca ŭ miežach Rasii,
- kolkaść prybyłych u Rasiju i adkul jany prybyli,
- raźmierkavańnie biežancaŭ, vymušanych pierasialencaŭ i asob, jakija atrymali časovy prytułak, pa krainach raniejšaha pražyvańnia.
Akramia samoha raździeła, raniej u zborniku byli i inšyja danyja, jakija dazvalajuć zrazumieć demahrafičnuju situacyju. Častka infarmacyi źmiaščałasia ŭ tablicach pa naturalnym ruchu nasielnictva — sukupnaści danych pa naradžeńniach i śmierciach, šlubach i razvodach. Adnak hetyja źviestki prybrali jašče raniej.
Ciapier ekśpiertam dastupnyja tolki dva pakazčyki — sumarny kaeficyjent naradžalnaści pa rehijonach i sumarny kaeficyjent trecich i nastupnych dziaciej.
U traŭni Rasstat schavaŭ demahrafičnyja danyja pa rehijonach. Sacyjołah Alaksiej Rakša ŭ svaim telehram-kanale tady pisaŭ, što heta «jaskravaja prykmieta pravału» demahrafičnaj palityki. «Faktyčna ŭ Rasii pačynajučy z sakavika-2025 amal adsutničaje publičnaja demahrafičnaja statystyka», — pisaŭ jon.
Zasakrečvajucca i źviestki ab rasijskaj ekanomicy i abaronnaj śfiery.
-
Rabočyja ŭ Pieru znajšli na budoŭli mumii chłopčyka i žančyny, jakija pralažali ŭ ziamli kala tysiačy hadoŭ
-
U pavodcy ŭ Techasie, što nakryła dziciačy letnik, zahinuli najmieniej 51 čałaviek, 27 dziaŭčynak prapali bieź viestak
-
U Krasnadarskim krai žorstkuju pasadku zrabiŭ samalot DTSAAF z parašutystami
Ciapier čytajuć
Łukašenku na śviacie ŭ Aleksandryi supravadžała aficer Zajcava20
Kamientary