U Kobrynie paskardzilisia, što z krana ŭ kvatery idzie «kava». Akazałasia, što ŭ prablemy šyrokaja hieahrafija
U Kobrynie žychary skardziacca na vielmi drennuju jakaść vady z-pad krana: mutnaja, z pacham mazutu, filtry čarniejuć užo praź niekalki dzion. Adno z takich videa źjaviłasia ŭ tyktoku i vyklikała burnuju reakcyju. Ludzi z roznych kutkoŭ Biełarusi — ad Bresta da Śvietłahorska — pačali masava pisać, što sutykajucca z anałahičnaj prablemaj, zaŭvažyła BG.Media.
Mnohija kamientary vyhladajuć jak kryk adčaju. Ludzi raskazvajuć, što im davodzicca mianiać filtry štotydzień, časam navat niekalki razoŭ na tydzień. Paśla zvarotaŭ u vodakanał maksimum, što robicca — heta pramyŭka trub, jakaja dapamahaje tolki na niekalki dzion. Adkaz ža standartny: «staryja truby». Choć mnohija śćviardžajuć, što truby ŭ ich novyja.
U vyniku, pakul haradžanie praciahvajuć pakutavać ad drennaj vady, kamunalnyja słužby amal nie dajuć adnosna hetaha tłumačeńniaŭ.
Raniej padobnyja prablemy fiksavalisia i ŭ Breście, dzie miascovy vodakanał navat abvinavaciŭ ludziej u tym, što jany «niesvoječasova mianiajuć filtry».
Pavodle aficyjnych źviestak, da kanca 2025 hoda ŭ Biełarusi płanujuć uvieści 800 stancyj abiezžalezvańnia. Ale heta nie adkazvaje na hałoŭnaje pytańnie: čamu ŭžo ciapier u kranach ciače amal čornaja vada?
Ludzi vymušanyja sami apłačvać filtry, ramont bytavoj techniki, jakaja psujecca ad iržy i nakipu, — prytym što za vadu ŭ płaciežkach usio adno naličvajecca poŭnaja cana, bo taja ličycca «technična prydatnaj».
«Nie chvalujciesia, z 7-j da 9-j ranicy z krana idzie niamieckaja kava Dallmayr», — žartuje adzin z karystalnikaŭ. Inšy padsumoŭvaje: «Hałoŭnaje, kab hrošy płacili. A što tam ciače — užo nie važna».
4, 14 ci 114? U Kobrynie nie mohuć razabracca z numaram doma na fasadzie
U Kobrynie kapitalny ramont zrabili tak, što paśla daždžu ŭsio paciakło
U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja
Kobrynski błohier pakazaŭ, jak vyrablajucca lehiendarnyja «Miasnyja padušački»
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać22
Kamientary