Žycharka Salihorska zapłaciła 37 000 rubloŭ za aŭtamabil, a atrymała tolki fota
Žycharka Salihorska trapiłasia na kručok ašukancaŭ: zapłaciła za elektryčny krasovier z Kitaja «pad kluč» u Minsku, a ŭ vyniku zastałasia biez hrošaj i biez mašyny, paviedamlaje «Milicyja Minščyny».
— U abmien na 37 374 rubli achviary padabrali pryvabny varyjant, dasłali padrabiazny fotaspravazdaču pa aŭtamabili i navat zaklučyli damovu. Na hetym servis i skončyŭsia — aŭtamabil haradžancy čakać nie varta.
U Salihorskim RAUS nahadali, što achviaraj ašukancaŭ možna stać nie tolki pry prodažy i nabyćci tavaru praź internet, ale i na virtualnych «aŭtarynkach». Schiema pracuje tak: u internecie raźmiaščajecca abjava ab prodažy aŭtamabila abo matacykła z pryvabnym koštam i ŭ tych, chto źviarnuŭsia, vymańvajecca pieradapłata na kartku. Pryčyny mohuć być roznyja.
Cichanoŭski raskazaŭ, što treba było rabić u žniŭni 2020-ha62
Kamientary