Ci karystajucca biełaruskija vierniki biełaruskaj movaj? Katalicki sajt padzialiŭsia cikavaj statystykaj
Prahladajučy statystyku sajta, redakcyja vydańnia Katolik.life źviarnuła ŭvahu na niekatoryja pakazčyki, jakija, na jaje dumku, havorać pra peŭnyja tendencyi. Tak, za apošni čas znojdzieny tolki adzin zapyt ad karystalnikaŭ na biełaruskaj movie.
Statystyka sajta za minuły tydzień pakazvaje, što za 7 dzion jaho naviedali zvyš 5 tysiač čałaviek, i ź ich bolšaść — byccam by z Narviehii. Nasamreč tak adlustroŭvajucca kliki z vykarystańniem VPN, to-bok jany ź Biełarusi.
Hod tamu hety sajt u Biełarusi zabłakavali, adnak pakolki adzin z apierataraŭ suviazi pakinuŭ dostup da jaho z terytoryi krainy, to i naviedavańni ź biełaruskich IP zdarajucca. Za tydzień takich było kala 450.
Asnoŭnaja častka čytačoŭ na minułym tydni pryjšła na sajt z Google praz zapyty pra Budsłaŭski fest — klikaŭ pa hetych zapytach było bolš za 1000. I voś što tut cikavaha.
Absalutna ŭsie pošukavyja zapyty pra Budsłaŭ (zvyš 10 varyjantaŭ) byli na ruskaj movie. I ŭvohule, praktyčna ŭsie zapyty, pa jakich naviedvalniki prychodziać na sajt, ludzi farmulujuć pa-rusku.
Za apošni čas sustrakaŭsia tolki adzin biełaruskamoŭny zapyt, pa jakim viernik trapiŭ na sajt — «čytańni dnia».
Adnak nielha vyklučać, adznačaje redakcyja sajta, što zapytaŭ pa-biełarusku było bolš, tolki Google kiepska indeksuje staronki ź biełaruskaj movaj, tamu moža i nie vydavać vyniki.
Što tyčycca pierachodaŭ pa zapytach pra Budsłaŭski fest, to statystyka śviedčyć, što VPN pry pošukach byŭ uklučany ŭ nievialikaj častki viernikaŭ. Naprykład, pa samym papularnym zapycie spasyłka na staronku była pakazanaja za tydzień zvyš 3 tysiač razoŭ i była raźmieščanaja pry vydačy ŭ pieršych radkach. Ale tolki krychu bolš za 10% zmahli pierajści pa spasyłcy.
Sto hadoŭ tamu śviatar-biełarus trapiŭ u Polšču pa abmienie palitviaźniami. Ciapier biełarusy adšukali jaho mahiłu
«Paznajomiłasia z tureckim vajskoŭcam praź internet. Praź miesiac razam siadzieli nad asmanska-biełaruskim słoŭnikam Sokałava-Vojuša»
«Možam i ŭ futboł pahulać, i razam na šavuchu schadzić». Futbalist sa Słonima, jaki staŭ ksiandzom, raskazaŭ pra svajo žyćcio i pryncypy
Čamu ŭ pačatku 20 stahodździa estoncy, litoŭcy i łatyšy stvaryli dziaržavu, a biełarusy — nie? Adkazvaje Cieraškovič
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary