Arbitra zatrymali za niepryznačany vyrašalny pienalci — skandał u rasijskim futbole
Supracoŭniki palicyi ŭ aŭtorak 8 lipienia zatrymali futbolnaha sudździu Bahdana Hałaŭko, jaki pracavaŭ na matčach Pieršaj lihi, jaho padazrajuć va ŭpłyvie na vyniki čempijanatu Rasii, piša RBK.
Za akazańnie supraćpraŭnaha ŭpłyvu na vynik aficyjnaha spartyŭnaha spabornictva (art. 184 KK) arbitru pahražaje da siami hadoŭ pazbaŭleńnia voli.
Pavodle viersii śledstva, Hałaŭko śviadoma ździejśniŭ pamyłku na karyść maskoŭskaha «Tarpieda» padčas matča suprać «KamAZa» (Nabiarežnyja Čałny) 24 maja. Heta była hulnia apošniaha, 34-ha tura Pieršaj lihi. Jana mieła vyrašalnaje značeńnie dla vyznačeńnia kamand, jakija vyjduć u vyšejšy dyvizijon čempijanatu — Rasijskuju premjer-lihu.
Paśla hulni hałoŭny trenier «Tarpieda» Aleh Konanaŭ zajaviŭ žurnalistam, što zapomnić hetuju hulniu: «Bo vypiŭ šmat tabletak».
Spartyŭnaja kamisija pryjšła da vysnovy, što Hałoŭka nie pryznačyŭ pienalci ŭ varoty «Tarpieda» pamyłkova, a biełaruski abaronca kłuba Hleb Šaŭčenka ździejśniŭ «varjacki kantakt adkrytaj stupnioj u vobłaść achiłava suchažylla forvarda «KamAZa» Daniły Matoryna.
Tady pa vynikach matča maskoŭskaje «Tarpieda» zaniała druhoje miesca ŭ pieršaj lizie i viarnułasia ŭ vyšejšuju lihu.
Polšča pryznała Alaksandra Mašenskaha niepažadanaj asobaj27
Kamientary