U Hrodzienskaj vobłaści zafiksavanyja dva vypadki ŭkusaŭ hadziuki.
Haradziencu jana sustrełasia na šlachu padčas kašeńnia travy na leciščy. Pry ahladzie miedyki vyjavili na nazie paciarpiełaha try miescy ŭkusu, paviedamlaje kamitet achovy zdaroŭja Hrodzienskaha abłvykankama.
Dla praduchileńnia ciažkich nastupstvaŭ, pacyjentu ŭ umovach reanimacyi ŭviedziena śpiecyjalnaja syrovatka, antycieły ŭ jakoj niejtralizujuć jad, što trapiŭ u arhanizm.
Było pryznačana simptamatyčnaje lačeńnie, skiravanaje na palahčeńnie stanu.
Sutki pacyjent znachodziŭsia pad nahladam daktaroŭ adździaleńnia reanimacyi, zatym pieraviedzieny ŭ adździaleńnie taksikałohii.
Uviadzieńnie syrovatki suprać jadu hadziuki było pryznačana žycharcy Ščučynskaha rajona, jakaja taksama paciarpieła ad ukusu.
Zahadčyca pryjomnaha adździaleńnia BCHMD Natalla Uškievič rekamienduje abaviazkova źviartacca pa miedycynskuju dapamohu ŭ najkaraciejšyja terminy, kab doktar zmoh acanić stan i, pry nieabchodnaści, uvieści syrovatku.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Ja ŭ dziacinstvie ź siabram, nahledzieŭšysia jak Drazdoŭ u "V mirie životnych" łović usialakich tam kobraŭ i mambaŭ, taksama łaviŭ hadziuk na bałocie niedaloka ad svajho horada. Fatahrafavaŭ, časam dapamahaŭ vyliniać i zabiraŭ sabie jak "trafiej" sturuju "skuru" dy adpuskaŭ. Za niekalki hadoŭ sa złoŭlenych źmiejaŭ 10-15 mianie adzin raz hadziuka, pryčym, užo złoŭlenaja, capnuła za palec. Vysmaktaŭ tuju atrutu z ranki dy vyplunuŭ. U radyusie, moža, santymietr, vakoł tych dźviuch dziračak, skura troški pačyrvanieła, i bolš nijakich simptomaŭ nie było. Mnie tady hadoŭ 12 było. A tut - darosły dziadźka takuju trahiedyju praz hadziuku ŭčyniŭ - i ŭ reanimacyju pakłaŭsia, i ŭkoły z antydotam jamu kałoli, i až ceły kamitet achovy zdaroŭja jahonaj piersanaj apiekavaŭsia. Žach!
A ŭvohule hadziuki - heta nieadjemnyja i karysnyja navat dla haspadarčaj dziejnaści čałavieka pradstaŭniki faŭny.