MARH uziaŭsia za «Dabranom» — u pałovie «Majakoŭ» znajšli praterminoŭku
U mai ŭ kampaniju prychodzili siłaviki, ciapier pryjšła čarha pravierak Ministerstva handlu.
MARH pryjšoŭ z pravierkami ŭ dyskaŭntary «Majak» handlovaj sietki «Dabranom». Jak śćviardžajecca, paśla skarhaŭ ad pakupnikoŭ. Praviaralščyki prabiehli pa kramach u Minsku, Viciebsku, Mahilovie, Hrodnie dy inšych haradach.
U 88 pracentach kram znajšli parušeńni. U 47% handlovych punktaŭ vyjavili praterminoŭku ad adnaho da piatnaccaci dzion — miasa, paŭfabrykaty ź miasa ptuški, syr, piečyva, harodnina i inšyja pradukty.
MARH vypisaŭ rekamiendacyi pa likvidacyi vyjaŭlenych parušeńniaŭ, vynies zahady ab zabaronie realizacyi niajakasnaj pradukcyi na sumu zvyš 650 rubloŭ. Sam «Dabranom» atrymaje administratyŭku.
U mai ŭ ofis handlovaj sietki z vobšukami prychodzili siłaviki z Departamienta finansavych rasśledavańniaŭ.
Kamientary