Hramadzianin Kitaja Vej Ciań Lin sprabavaŭ niezakonna vyvieźci z ZŠA ŭ Hankonh bolš za 850 redkich čarapach i inšych žyvioł ahulnym koštam kala 1,4 miljana dalaraŭ. Jon adpraviŭ bolš za 220 pasyłak, padpisvajučy ich jak «płastykavyja cacki», ale na miažy vyjavili, što ŭnutry znachodzilisia žyvyja žyvioły, źviazanyja i zahornutyja ŭ škarpetki, paviedamlaje NBC News.
Akramia čarapach, Lin adpraviŭ 11 pasyłak z reptylijami, u tym liku z atrutnymi źmiejami. Jon pryznaŭsia, što naŭmysna padavaŭ chłuślivuju infarmacyju pra źmieściva pasyłak, kab žyvioły mahli niekalki tydniaŭ vandravać da Hankonha.
Abodva vidy čarapach — uschodnija i trochpalcyja karobčatyja — znachodziacca pad achovaj Kanviencyi CITES i vielmi ceniacca na azijackich rynkach jak ekzatyčnyja svojskija žyvioły.
Za takija dziejańni mužčynu pahražaje da 5 hadoŭ turmy i štraf kala 250 tysiač dalaraŭ abo navat bolš.
Karobčatyja čarapachi atrymali svaju nazvu dziakujučy asablivamu šarniru ŭ pancyry, jaki dazvalaje im całkam zakryvacca, jak u «karobcy», kab abaranicca ad drapiežnikaŭ.
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?7
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary