Usiaho patrochu

Niezvyčajnyja pryhody. Praz paŭhoda błukańniaŭ vilejskaja čarapacha viarnułasia dadomu

Na hetym tydni ŭ sacyjalnych sietkach Vilejki źjaviłasia abjava ab tym, što na Viljaninym chutary znojdziena čarapacha. Vilejčanka padčas prahułki zaŭvažyła istotu ŭ pancyry žoŭta-zialonaha koleru ŭ travie kala voziera, paškadavała jaje i ŭziała dadomu: «Moža jana adniekul ŭciakła?» Dziaŭčyna dała abjavy pra znachodku i nie hublała nadziei, što hadavanca niechta šukaje. Raspaviadaje kraj.by. 

Praz paru hadzinaŭ razdaŭsia telefonny zvanok ad žychara Vilejki, jaki raspavioŭ, što ŭ jaho źnikła čarapacha.

— U kancy minułaha leta na vulicy stajała haračaje nadvorje i dźviery na vulicu byli adčynienyja. Čarapachun (tak nazvaŭ svajho hadavanca haspadar — Zaŭv. aŭt.) skarystaŭsia mahčymaściu «pajści pahulać». Apamiatalisia my nie adrazu, a kali nabirali čarapacham vadu. Papiaredzili susiedziaŭ — raptam ubačać u siabie na terytoryi. Klič u internet nie kidali: katoŭ i sabak nie zaŭsiody znachodziać, a tut čarapacha. Praz dva tydni biespaśpiachovych pošukaŭ stracili nadzieju znajści jaho. Nabližałasia vosień, i my vielmi pieražyvali, jak tam naš siabar, — raspavioŭ surazmoŭca.

Daroha dadomu

— Abjavu žoncy pierasłała znajomaja, jakaja viedała, što naš siabar uciok. Ubačyŭšy fota, my adrazu patelefanavali pa numary. Kali pierakanalisia, što sapraŭdy naš — byli vielmi rady i pajechali jaho zabirać. Čarapachun byŭ słaby, jaho pancyr vyćviŭ i staŭ dalikatnym. Pieražyvali ŭsioj siamjoj, kab vyžyŭ. Ale paśla sutak u vadzie na nastupny dzień jon pajeŭ, a zatym pačaŭ šypieć i aktyŭna poŭzać, — dadaŭ mužčyna.

Darečy, heta była ŭžo nie pieršaja sproba ŭciokaŭ ich hadavanca ŭ pancyry.

Ad miesca, dzie čarapacha zhubiłasia, da Viljaninaha chutara kala dvuch kiłamietraŭ — dobry špacyr atrymaŭsia, a hałoŭnaje, doŭhi i navat ź zimoŭkaj. 

Čarapachun — heta krasnavuchaja čarapacha. U apošnija lot dziesiać u suviazi z paciapleńniem klimatu jany stali paśpiachova zimavać u našych vadajomach. Z-za hetaha ich uklučyli ŭ Čornuju knihu invaziŭnych vidaŭ žyvioł Biełarusi. Invaziŭny vid — vid, jaki znachodzicca za miežami svajho naturalnaha areała, raspaŭsiudžvańnie i kolkaść jakoha stvarajuć pahrozu zachavańniu miascovaj bijałahičnaj raznastajnaści.

Kamientary

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Usie naviny →
Usie naviny

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

Krainy ES pahadzilisia źnizić cenavaje abmiežavańnie na rasijskuju naftu na 15 %

U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia

bolš čytanych navin
bolš łajkanych navin

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić