Za rasśledavańnie suprać Paŭła Łatuški abiacajuć salidnyja hrošy
Narodnaje antykryzisnaje ŭpraŭleńnie paviedamlaje pra sproby za finansavaje ŭznaharodžańnie zaprašać da ŭdziełu ŭ «niezaležnym rasśledavańni» ŭ suviazi ź situacyjaj, źviazanaj z falšyvymi abvinavačvańniami z boku Volhi Karpušonak u adras Paŭła Łatuški.
«U adras adnoj ź biełaruskich aktyvistak pastupiła prapanova pad prykryćciom žurnalista niezaležnaha vydańnia za ŭznaharodžańnie ŭ 10 000 jeŭra vykazać svajo mierkavańnie adnosna dadzienaj situacyi, nibyta ŭ ramkach niezaležnaha rasśledavańnia. Prosim niezaležnyja ŚMI, hramadskich dziejačaŭ, palitykaŭ być uvažlivymi i abjektyŭnymi pry aśviatleńni situacyi ź biespadstaŭnymi abvinavačvańniami», — paviedamlaje NAU.
U Narodnym antykryzisnym upraŭleńni śćviardžajuć, što dadzienyja abvinavačvańni nie majuć pad saboj «ni najmienšaha padmurku, źjaŭlajucca iłžyvymi i pad prykryćciom nibyta asabistaha kanfliktu pamiž Volhaj Karpušonok i Paŭłam Łatuškam źjaŭlajucca składovaj častkaj śpiecapieracyi śpiecsłužbaŭ režymu i šyrokamaštabnaj ataki ŭ dačynieńni da našaj kamandy».
***
30 žniŭnia delehatka Kaardynacyjnaj rady i pradstaŭnica ad demakratyčnaj Biełarusi ŭ Parłamienckaj asamblei Rady Jeŭropy Volha Karpušonak na svajoj staroncy ŭ fejsbuku abvinavaciła Paŭła Łatušku ŭ seksualnych damahańniach.
Pavieł Łatuška adchiliŭ hetyja abvinavačvańni. Ataku ž z boku Karpušonak jon ličyć vynikam dziejnaści śpiecsłužbaŭ režymu Łukašenki.
Paśla taho nieŭzabavie vyśvietliłasia, što Karpušonak pierabrałasia z Polščy spačatku ŭ Ispaniju, a paśla ŭ Braziliju.
U piatnicu, 5 vieraśnia, Pavieł Łatuška paviedamiŭ, što padaŭ pazoŭ u Akruhovy sud Varšavy ab abaronie honaru i hodnaści z chadajnictvam ab zabieśpiačeńni pazovu. U pazovie Volzie Karpušonak prapanujecca na praciahu čatyrnaccaci dzion z dnia ŭstupleńnia ŭ siłu rašeńnia suda, vyniesienaha pa dadzienaj spravie, apublikavać zamacavany post-abviaržeńnie ŭ fejsbuku
Łatuška praz sud patrabuje ad Karpušonak publičnych vybačeńniaŭ
Abjadnany pierachodny kabiniet staŭ na bok Paŭła Łatuški ŭ kanflikcie z Volhaj Karpušonak
U Kaardynacyjnaj radzie vyśvietlili, što Karpušonak z sakavika stała padazrona cikavicca, čym KR zajmajecca
Volha Karpušonak dajšła ŭ svaich skarhach da Parłamienckaj asamblei Rady Jeŭropy
Volha Karpušonak znachodzicca ŭ Rya-de-Žanejra?
Ciapier čytajuć
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki25
Kamientary
:))