Hiendyrektar BBC Cim Dejvi i kiraŭnica padraździaleńnia navin BBC News Debara Ciornes padali ŭ adstaŭku paśla skandału z adredahavanaj pramovaj Donalda Trampa — mantaž stvaryŭ uražańnie, byccam były prezident ZŠA zaklikaŭ da biesparadkaŭ u Kapitolii.
Pra hetaje paviedamiła Brytanskaja viaščalnaja karparacyja.
Raniej hazieta The Telegraph paviedamlała, što, pavodle ŭnutranaj słužbovaj zapiski BBC, prahrama «Panorama» zmantavała dźvie častki pramovy Trampa takim čynam, kab skłałasia ŭražańnie, byccam jon adkryta padbuchtorvaŭ da biesparadkaŭ u Kapitolii ŭ studzieni 2021 hoda. Na hetym fonie lidar apazicyjnaj Kansiervatyŭnaj partyi Vialikabrytanii Kiemi Badenak zaklikała da adstavak u BBC.
Brytanskaja viaščalnaja karparacyja apublikavała zajavu Cima Dejvi, zroblenuju paśla jaho adstaŭki:
«Jak i ŭsie dziaržaŭnyja arhanizacyi, BBC nie idealnaja, i my zaŭsiody pavinny być adkrytymi, prazrystymi i padspravazdačnymi. Choć heta nie adzinaja pryčyna, ciapierašniaja dyskusija vakoł BBC News, z zrazumiełych pryčynaŭ, paŭpłyvała na majo rašeńnie. U cełym BBC pracuje dobra, ale byli dapuščanyja niekatoryja pamyłki, i jak hienieralny dyrektar ja pavinien uziać na siabie kančatkovuju adkaznaść».
Debora Ciornes u asobnaj zajavie skazała, što adkaznaść za toje, što adbyłosia, lažyć na joj.
Cim Dejvi pracavaŭ u BBC z krasavika 2005 hoda i ŭznačalvaŭ karparacyju ź vieraśnia 2020-ha.
-
Kataliki-trampisty ŭźjelisia na pieršaha amierykanskaha Papu: Leŭ XIV praciahvaje leva-prahresiŭnuju palityku Franciška
-
U 10‑miljonnym Tehieranie deficyt vady. Žycharoŭ papiaredzili pra mahčymuju evakuacyju
-
Narviehija moža stać harantam jeŭrapiejskaha kredytu Ukrainie, vyłučyŭšy na heta častku svajho Suvierennaha fondu
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary