U Minsku mužčyna žorstka zabiŭ svaju sužycielku na dzień jaje naradžeńnia
46‑hadovaha minčuka abvinavačvajuć u žorstkim zabojstvie svajoj sužycielki, jakoje jon ździejśniŭ jašče ŭ sakaviku. Jak paviedamili ŭ prakuratury Minska, sprava ŭžo pieradadziena ŭ sud, pišuć «Minsk-Naviny».
Paśla viartańnia z kamandziroŭki mužčyna pajšoŭ u hości da svajho znajomaha na vulicu Paŭłoŭskaha. Tam była i jahonaja žančyna. Kampanija niekalki dzion zapar užyvała ałkahol.
16 sakavika adznačali dzień naradžeńnia žančyny — joj spoŭniłasia 47 hadoŭ. Pjany abvinavačany pačaŭ svarycca, vystaŭlajučy abvinavačańni ŭ zdradzie. Paśla rezkaj frazy ŭ adkaz z boku žančyny jon uziaŭ nož i nanios joj bolš za dva dziasiatki udaraŭ pa hałavie i ciele. Ad atrymanych ran žančyna pamierła.
Svaju vinu mužčyna pryznaŭ, jon sam vyklikaŭ chutkuju i milicyju. Jaho zatrymali. Raniej jon užo dvojčy pryciahvaŭsia da kryminalnaj adkaznaści, ale sudzimaści byli pahašanyja.
Ciapier minčuku vystaŭlena abvinavačańnie ŭ zabojstvie z asablivaj žorstkaściu (p. 6 č. 2 art. 139 KK Biełarusi). Za takoje złačynstva jamu pahražaje ad 8 da 25 hadoŭ pazbaŭleńnia voli, pažyćciovaje źniavoleńnie abo navat śmiarotnaje pakarańnie. Da suda jon źmieščany pad vartu.
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary
Kali heta i praŭda, to za B iści ŭ turmu heta duraść, da i nie zasłuhoŭvaje navat B śmierci za zdradu.