U byłoj psichbalnicy ŭ Žodziškach ciapier vystaŭlajuć biełaruskich mastakoŭ FOTY
Dźviery histaryčnaha budynka XVIII stahodździa ź niezvyčajnym losam upieršyniu adčynilisia dla šyrokaj publiki.
Psichijatryčnaja balnica ŭ Žodziškach Smarhonskaha rajona raźmiaščajecca ŭ histaryčnych budynkach byłoha jezuickaha kalehiuma XVIII stahodździa, jaki paŭstaŭ tut paśla taho jak kalvinski zbor, fundavany rodam Kiškaŭ, u vyniku Kontrrefarmacyi byŭ pieradadzieny katolikam.
Paśla skasavańnia ordena budynki pierajšli ŭ pryvatnyja ruki, imi vałodali pradstaŭniki rodaŭ Patockich, Łaskarysaŭ i Mališeŭskich, pry šlachieckaj siadzibie byŭ zakładzieny park. U saviecki čas tut dziejničaŭ spačatku tubierkulozny sanatoryj, a z 1949 hoda — abłasnaja psichijatryčnaja balnica, jakaja pracavała da 2019-ha.
U 2023 hodzie budynki psichbalnicy byli vystaŭleny na aŭkcyjon. Nieviadoma, chto staŭ novym ułaśnikam, ale siudy viarnułasia žyćcio.
Niadaŭna tut prajšoŭ art-fiestyval «Chto vy, pani nieznajomka?», arhanizataram vystupiła abjadnańnie «Viačera». U čas fiestyvalu pracavali batlejka «Dom z marami» i kirmaš ramiostvaŭ, adbyŭsia pakaz Minskaha abłasnoha dramatyčnaha teatra. Adkryćcio fiestyvalu płanavałasia na 30 žniŭnia, ale praz dadatkovyja ŭzhadnieńni jaho pieranieśli na 13 vieraśnia.
Budynak byłoha jezuickaha kalehiuma, jaki 70 hadoŭ słužyŭ psichijatryčnaj balnicaj, staŭ kulturnym centram. Adkryłasia vystaŭka «Vobraz», na jakoj biełaruskija mastaki pradstavili bolš za 200 svaich karcin.
Vystaŭka praciahvaje pracu, i jaje naviedvalniki majuć mahčymaść ubačyć nie tolki tvory sučasnych biełaruskich mastakoŭ, ale i adčuć asablivuju atmaśfieru miesca. Karciny pradstaŭleny ŭ pamiaškańniach, jašče nie kranutych ramontam: z abłuplenymi ścienami, skołataj balničnaj kaflaj, savieckaj alejnaj farbaj, jakaja ciapier źvisaje zmročnymi łupinami.
Hetyja brutalnyja interjery nadajuć vystaŭcy asablivuju, amal tahaśvietnuju atmaśfieru: zakinutaja psichijatryčnaja balnica ŭ litaratury i kino časta paŭstaje jak miesca tajamničaje i žachlivaje.
Uvachod na vystaŭku volny, ekspazicyja adkryta z 12.00 da 19.00.
«Naša Niva» — bastyjon biełaruščyny
PADTRYMAĆU Žodziškach pradajuć siadzibu ź niezvyčajnaj historyjaj: ad baraćby z pratestantami da psichlakarni
Čakańni — realnaść. U Vierchnim horadzie zaviaršajuć ambicyjny kompleks u vielmi sproščanym vyhladzie FOTY
$249 000 za histaryčny vajb. Jaki ramont zrabili ŭ stalincy prosta ŭ centry Minska
Tajamnicy Minskaha zamčyšča: niedabudavany chram, jaki stavić u tupik navukoŭcaŭ, i maładaja kniazioŭna z kasoj i kvietkavym viankom
Restaŭratary adnavili kaplicu ŭ siadzibie Ahinskich. Jaje raskrytykavali za niedakładnaści
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary
Nialudskaja niejkaja saŭdepija