Ci patrebna biełarusam mocnaja ruka? Ekanamist Lvoŭski adkazaŭ
«Kali šmat niavyznačanaściaŭ, to ludzi pačynajuć chacieć, kab byŭ niejki lidar, jaki b davaŭ vyrazny adkaz».
Ekanamist Leŭ Lvoŭski ličyć, što biełaruskaje hramadstva chacieła b mocnaj ruki. I heta ŭłaścivaść nie tolki biełarusaŭ, a ciapierašniaha času ahułam.
«Ciapier prosta ŭ śviecie šmat niavyznačanaściaŭ, i ja dumaju, kali šmat niavyznačanaściaŭ, to ludzi pačynajuć chacieć, kab byŭ niejki lidar, jaki b davaŭ vyrazny adkaz, lidar, u jakoha jość vyrazny płan, jaki hatovy vieści za saboj i hetak dalej, i hetak dalej», — tłumačyć Lvoŭski ŭ jutub-pieradačy «Hadzińničak cikaje».
Pad mocnaj rukoj jon razumieje nie aŭtarytarny styl kiravańnia, a jarkija lidarskija zdolnaści.
Lvoŭski razvažaje, što, naprykład, Šviejcaryja biez hetaha moža abyścisia, bo tam apošnija hady nie było vialikich kryzisaŭ.
«Bieź lidarstva možna žyć, kali sapraŭdy ŭsio dobra, kali jość instytuty, jakija padmianiajuć hetaha lidara», — dadaje ekanamist.
Kamientary