Śpiecyjalisty kažuć, što padstaŭ dla tryvohi niama.
7 kastryčnika ranicaj navat z centra Vilni ludzi bačyli vialiki słup pary (ci, jak mnohim zdavałasia, dymu), jaki padymaŭsia ŭ nieba z boku biełaruskaj miažy, dzie znachodzicca Astravieckaja AES.
Ustryvožanyja, jany źviartalisia ŭ roznyja instancyi, pytajučysia, ci nie zdaryłasia čaho niebiaśpiečnaha. Ale śpiecyjalisty ich supakoili: siońnia prosta było takoje nadvorje, što hetaja para była daloka bačnaja, ale ŭvohule dla atamnaj enierhietyki takaja źjava zvyčajnaja.
«Žychary havorać, što časam bačać bieły dym, a dakładniej vadzianuju paru nad hradzirniaj Biełaruskaj AES.
Hetaja para aznačajuć, što enierhabłoki Biełaruskaj AES pracujuć i vyrablajuć elektraenierhiju. Adznačym, što padčas ekspłuatacyi atamnaj elektrastancyi ŭ technałahičnym pracesie ciopłaja vada astudžajecca i vyparajecca ŭ hradzirniach, tamu ź ich i padymajecca vadzianaja para.
Pry narmalnaj pracy para, bačnaja nad hradzirniaj, nie źjaŭlajecca radyjeaktyŭnaj i, takim čynam, nie składaje niebiaśpieki dla nasielnictva i navakolnaha asiarodździa», — tłumačyć na svaim sajcie litoŭskaja Dziaržaŭnaja inśpiekcyja biaśpieki atamnaj enierhietyki.
Padobnaje tłumačeńnie daje taksama Centr radyjacyjnaj biaśpieki, jaki adznačaje, što nijakaha pavyšeńnia radyjacyjnaha fonu na terytoryi Litvy i Vilni jon nie adznačaje.
Tym časam dyrektar Biełaruskaj AES Siarhiej Babovič u intervju telekanału STB paviedamiŭ, što spačatku druhi, a paśla i pieršy błok elektrastancyi ŭ listapadzie pavinny znoŭ stać na płanavy ramont:
«U siaredzinie nastupnaha miesiaca, u listapadzie, u nas płanava-papieradžalny ramont druhoha błoka. Heta budzie druhi płanava-papieradžalny ramont, my płanujem zaviaršyć jaho da kanca hoda, zojdziem troški ŭ studzień, potym uklučym jaho ŭ sietku. Za hety čas zrobim častkovuju zamienu paliva, čverć paliva ŭ nas idzie pad zamienu. Paśla taho jak uklučym druhi błok, pad kapitalny ramont pojdzie błok numar adzin».
Łukašenka zajaviŭ pra mahčymaść budaŭnictva AES na ŭschodzie Biełarusi
Biełaruskaja AES vyrabiła 50 młrd kVt·h elektraenierhii
Łukašenka abiacaje kitajcam pabudavać druhuju AES dla ich ciaplic, a zarablać na kvietkach i harodninie buduć Baskaŭ ź Ciacierynym
U Biełarusi amal skončyli rabić abhruntavańnie dla budaŭnictva druhoj AES
Druhi enierhabłok BiełAES adklučyli ad sietki z-za spracoŭvańnia sihnalizacyi
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna17
Kamientary
[Zredahavana]