Jakija pryščepki patrebny darosłym, i ź jakoj pieryjadyčnaściu ich stavić
Jakaja vakcynacyja patrebna darosłym, aproč štohadovaj pryščepki ad hrypu, jak časta abnaŭlać abaronu ad słupniaku i čamu varta nie ihnaravać adzior, VPČ ci šalenstva.
Pryščepki — heta nie tolki dla dziaciej. U Biełarusi isnuje aficyjny kalandar vakcynacyi i dla ludziej, starejšych za 18 hadoŭ, kudy ŭvachodziać i siezonnyja, i rehularnyja, i śpiecyfičnyja pryščepki, u zaležnaści ad abstavin. «Minsk-Naviny» parazmaŭlali z Valancinaj Tuchta, namieśnicaj hałoŭnaha ŭrača 19‑j centralnaj rajonnaj palikliniki pra vakcyny ad roznych chvarob, što i jak treba rabić.
Štohadovaja imunizacyja
Ad hrypu — adna z samych zapatrabavanych i efiektyŭnych vakcyn. Robicca štohod u vosieński pieryjad. Miedycynskija bryhady pracujuć nie tolki ŭ paliklinikach, ale i na pradpryjemstvach.
Ad karanavirusu — pa aktualnych rekamiendacyjach Ministerstva achovy zdaroŭja. Rekamiendujecca pieryjadyčna rabić revakcynacyju.
Raz na 10 hadoŭ
Słupniak i dyfteryja — adna vakcyna adrazu ad dvuch zachvorvańniaŭ. Abnaŭlać nieabchodna raz na 10 hadoŭ.
«Chvaroba moža pryvieści da surjoznych uskładnieńniaŭ, uklučna ź latalnymi vypadkami. Bačyła vypadki dyfteryjnaha mijakardytu i artrytu», — kaža Valancina Tuchta.
Pa epidsituacyi i stanie imunitetu
Adzior — da 31 hoda, kali niama dakładnych źviestak pra vakcynacyju abo imunitet niedastatkovy suprać hetaj chvaroby. Adzior moža vyklikać ciažkija nastupstvy, asabliva ŭ darosłym uzroście.
Šalenstva — kali vas ukusiła, padrapała ci navat «dziubnuła» žyvioła, navat svaja chatniaja.
Kleščavy encefalit — aktualna dla tych, chto pracuje ŭ lesie abo pravodzić šmat času na pryrodzie. Niekatorym hrupam — biaspłatna.
Žoŭtaja lichamanka — nieabchodna dla padarožžaŭ u peŭnyja krainy. Vakcynacyja pravodzicca ŭ śpiecyjalizavanych punktach.
VPČ (virus papiłomy čałavieka) — z 2026 hoda biaspłatna dla dziaŭčat, darosłym — tolki na płatnaj asnovie.
Pnieŭmakok — płatna, asabliva rekamiendujecca pažyłym ludziam i asobam z asłablenym imunitetam.
«Kali jość mahčymaść abaranicca — varta joj skarystacca», — padkreślivaje Valancina Tuchta.
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary