Maładuju fatohrafku z Naroŭli aryštavali za Hajuna paśla viartańnia z «Marafonu adzinstva»
Ina Korbut pa adukacyi dziciačy psichołah.
Inie Korbut 31 hod. Jana rodam z Naroŭli. Skončyła Mahiloŭski dziaržaŭny ŭniviersitet imia Kulašova na dziciačaha psichołaha. Žyła taksama ŭ Mazyry i Mahilovie. Nieviadoma, kim Ina pracavała raniej, apošnija try hady jana maje status indyvidualnaj pradprymalnicy, kirunak jaho dziejnaści — fatahrafija.
U Iny jość kotka. Dziaŭčyna lubić padarožničać i aktyŭna adpačyvać. Naprykład, hod tamu vybrałasia na ekskursiju ŭ Čarnobylskuju zonu. Nijakich palityčnych repostaŭ ci publikacyj jana nie rabiła. Ale paŭdzielničała ŭ «Marafonie adzinstva», jaki prajšoŭ u «Minsk-Arenie», i pachvaliła jaho na staronkach miascovaj rajonki:
«Ja naviedała niekalki kancertaŭ marafonu i mahu skazać, što ŭ kožnym horadzie svaja ŭnikalnaja atmaśfiera. U Minsku zapomnilisia sučasnyja aranžyroŭki z aryhinalnym śvietłavym šou na daŭno znajomyja i ŭlubionyja nami pieśni. Heta śviedčyć pra toje, što my ruchajemsia napierad, nie zabyvajučy našy tradycyi. Ale samaje hałoŭnaje — my idziom razam, bo finał abjadnaŭ usie rajony, vobłaści, narody i kanfiesii».
Inu zatrymali i asudzili ŭ 2025 hodzie za «sadziejničańnie ekstremisckaj dziejnaści». Pieraśled źviazany sa spravaj Hajuna.
Viadoma, što Inie prysudzili chimiju, ale prysud, jak i dakładnaja sutnaść abvinavačańniaŭ, nieviadomyja.
«Naša Niva» — bastyjon biełaruščyny
PADTRYMAĆ
Kamientary
Ili fotohrafiessu.
Udziačnaść i padtrymka da jej.