Biełaruski trenier, jaki 11 razoŭ byŭ pryznany najlepšym u krainie pa vynikach hoda, raskazaŭ, ci hatovy jon uznačalić nacyjanalnuju futbolnuju zbornuju.
«U dušu kožnamu zaleźci nie mahu, ale luby trenier maryć, što na niejkim etapie karjery atrymajecca papracavać z nacyjanalnaj zbornaj. Inšaja sprava, što, znachodziačysia ŭ takim załatym uzroście, treniravać na praciahu šaści mižnarodnych voknaŭ — składana. Ja lublu štodzionnuju pracu. Mnie jana dastaŭlaje zadavalnieńnie. Na dadzieny momant słaba ŭjaŭlaju śpiecyfiku pracy trenieram zbornaj. Heta ŭžo niedzie bližej da kanca trenierskaj karjery», — skazaŭ jon.
Sa žniŭnia 2023 hoda zbornuju Biełarusi pa futbole treniruje ispanski śpiecyjalist Karłas Ałos. Pry im kamanda atrymała šeść pieramoh, zhulała vosiem ničyich i paciarpieła 10 parazaŭ.
U adbory da čempijanatu śvietu 2026 u zbornaj Biełarusi čatyry parazy: ad Hrecyi (1:5), Danii (0:6) i Šatłandyi (0:2, 1:2) i nie maje navat tearetyčnych šancaŭ na druhoje miesca, jakoje staviłasia za metu fiederacyjaj futbołu, choć heta adrazu było nierealna.
Apošnija tydni ŭ futbolnym asiarodździ viadziecca dyskusija, chto b moh uznačalić zbornuju.
Samym paśpiachovym etapam Viktara Hančarenki byŭ barysaŭski BATE, jaki pry im šeść razoŭ stanaviŭsia čempijonam krainy, upieršyniu vyvieŭ kłub u hrupavy turnir Lihi čempijonaŭ i hulaŭ tam nie raz.
Potym pracavaŭ u Rasii z «Kubańniu», CSKA, «Krasnadaram», «Ufoj», «Urałam», «Pary NN». Z CSKA stanaviŭsia siarebranym pryzioram čempijanatu susiedniaj krainy, ale apošnija hady trenierskaja karjera nie zadałasia.
Spačatku jon nie zdoleŭ zachavać «Urał» u premjer-lizie, a potym jaho pazvali ŭ «Pary NN», kab jon pakinuŭ kłub u vyšejšym dyvizijonie, kłub finišavaŭ 13-m, prajhraŭ u stykavych matčach «Sočy», i biełarusa zvolnili. Ale «Pary NN» zastaŭsia ŭ premchier-lizie, bo «Chimki», što finišavali ŭ minułym siezonie 12-ja, nie atrymali licenziju.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary