Ukraina raźličvaje atrymać da 130 młn. dalaraŭ ad tranzitu vieniesuelskaj nafty ŭ Biełaruś, zajaviŭ 5 maja ŭ Kijevie žurnalistam ministr transpartu i suviazi Ukrainy Kanstancin Jafimienka.
«Kali zadekłaravany abjom nafty budzie transpartavany, to Ukraina na hetym zarobić 120‑130 miljonaŭ dalaraŭ», — cytuje ministra ŭkrainskaje infarmahienctva UNIAN. Pavodle słoŭ Jafimienki, zhodna z zaklučanym pahadnieńniem, ustanoŭleny taryf 0,27 dalara za 10 tonakiłamietraŭ.
Nahadajem, u adpaviednaści z damoŭlenaściami prezidentaŭ Biełarusi i Vieniesueły, pastaŭki nafty ź Vieniesueły ŭ Biełaruś mohuć skłaści 4 miljony ton, u 2011 hodzie — 10 miljonaŭ ton. Pieršaja probnaja partyja, 80 tys. ton, ciapier transpartujecca z porta Adesy na Mazyrski NPZ pa čyhuncy. Nadalej płanujecca zadziejničać trubapravod »Adesa — Brody». Tym nie mienš, u Biełarusi pakul niama jasnaści ŭ pytańni rentabielnaści transparciroŭki ŭ krainu nafty ź Vieniesueły. Pavodle słoŭ hienieralnaha dyrektara Biełaruskaj naftavaj kampanii Uładzimira Zubkova, pytańnie efiektyŭnaści hetych pastavak prajaśnicca da siaredziny maja.
Da 1 červienia Ministerstva paliva i enierhietyki Ukrainy i kancern «Biełnaftachim» pavinny padrychtavać prapanovy dla ŭradaŭ dźviuch krain pa transparciroŭcy nafty na Mazyrski NPZ z vykarystańniem mahistralnych naftapravodaŭ Ukrainy i Biełarusi.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary