Abjadnany pierachodny kabiniet padtrymaŭ raspracoŭku mirnaha płana dla Ukrainy i zaklikaŭ nie zabyvacca pra Biełaruś
Abjadnany pierachodny kabiniet Biełarusi vystupiŭ z padtrymkaj pracesu aktyvizacyi pieramoŭ pamiž Ukrainaj, ZŠA i Jeŭrapiejskim sajuzam pa vypracoŭcy mirnaha płana dla Ukrainy i vydaŭ z hetaj nahody admysłovuju zajavu.
Vitajučy namahańni ŭsich bakoŭ, APKB padkreśliŭ
«važnaść adstojvańnia intaresaŭ Ukrainy, jakaja zaznała biesprecedentnuju ahresiju z boku Rasii pry saŭdziele režymu Łukašenki».
Taksama jon źviarnuŭ uvahu partnioraŭ u ZŠA i Jeŭrapiejskim sajuzie na
«važnaść vypracoŭki adzinaj pazicyi adnosna budučyni Respubliki Biełaruś, dzie hałoŭnymi ŭmovami pavinny być zachavańnie niezaležnaści, suvierenitetu Biełarusi i praviadzieńnie demakratyčnych pieraŭtvareńniaŭ».
U suviazi z hetym APKB taksama źviarnuŭsia da administracyi prezidenta ZŠA Donalda Trampa, da ŭradaŭ krain Jeŭrapiejskaha Sajuza, a taksama Vialikabrytanii z prapanovaj ab praviadzieńni palityčnaj kanfierencyi, pryśviečanaj vyrašeńniu hłybokaha ŭnutrypalityčnaha kryzisu i spryjańniu pačatku nacyjanalnaha dyjałohu ŭ Biełarusi.
«Biełaruskaje hramadstva znachodzicca pad biesprecedentnymi, samymi maštabnymi ŭ historyi apošnich dziesiacihodździaŭ Jeŭropy represijami, a taksama cierpić biesprecedentny infarmacyjny, ideałahičny, vajenny i palityčny ŭpłyŭ Rasijskaj Fiederacyi», — adznačajecca ŭ zajavie.
Pry hetym, na dumku pradstaŭnikoŭ biełaruskich demakratyčnych sił,
«źniaćcie sankcyj z režymu Łukašenki pavinna być abumoŭlena źmienaj unutranaj represiŭnaj i źniešniaj ahresiŭnaj palityki režymu, a taksama pačatkam poŭnamaštabnaha dyjałohu ź biełaruskim hramadstvam i demakratyčnymi instytutami».
Cichanoŭskaja čakaje dobrych navin pra palitviaźniaŭ u najbližejšyja tydni
Kiraŭnica misii demsił: Za Ukrainu zahinuła kala sta biełaruskich dobraachvotnikaŭ
«Vilski kazaŭ mnie: «Toje, što ty «pievień», nanosić partyi straty» — eks-palitviazień Sparyš
Cichanoŭski prapanavaŭ radykalna pierahledzieć stratehiju dla Biełarusi
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
Što za žudasnaja zvyčka ŭ našaj apazicyi pastajanna pryšpilvać nas da rasiejskaj ahresii. Ja razumieju, što jany chočuć pakazać suśvietnaj hramadskaści svaju značnaść, svaju baraćbu.
Ale! Nivodzin naš žaŭnier nie vajuje suprać Ukrainy. Vajna rana ci pozna skončycca, a śćviardžeńnie apazicyi, što my byli suahresaram zastaniecca. Pra heta treba dumać užo ciapier, na pierśpiektyvu. Ciažka budzie potym admyvacca ad hańby.
Dosyć užo mazać našu krainu čornaj farbaj! My nie ahresary!