Zialenski: Pieramovy z ZŠA pakul nie pryviali da pahadnieńnia ab Danbasie
Prezident Ukrainy zajaviŭ, što ŭdzielniki pieramoŭ, jakija abmiarkoŭvajuć inicyjatyvu ZŠA, pa-raniejšamu razychodziacca ŭ mierkavańniach nakont terytaryjalnaha pytańnia, piša Bloomberg sa spasyłkaj na telefonnaje intervju Zialenskaha.
Jahonaja zajava prahučała paśla taho, jak prezident ZŠA Donald Tramp vykazaŭ rasčaravańnie pazicyjaj Kijeva nakont płana spynieńnia vajny va Ukrainie.
Elemienty płana ZŠA patrabujuć dalejšaha abmierkavańnia šerahu «dalikatnych pytańniaŭ», uklučna z harantyjami biaśpieki dla krainy, paciarpiełaj ad vajny, i kantrolem nad uschodnimi rehijonami, skazaŭ Zialenski ŭ intervju.
Pavodle jahonych słoŭ, pieramovy pakul nie pryviali da pahadnieńnia ab Danbasie — Danieckaja vobłaść i Łuhanskaja vobłaść.
Tramp zajaviŭ, što Zialenski nibyta nie pračytaŭ amierykanski płan spynieńnia vajny. «My razmaŭlali z prezidentam Pucinym i z ukrainskimi lidarami, u tym liku z prezidentam Zialenskim, i mušu skazać, što ja byŭ krychu rasčaravany, što prezident Zialenski jašče nie pračytaŭ prapanovu — heta było paru hadzin tamu», — skazaŭ prezident ZŠA.
Kamientary