Pra heta kiraŭnik dziaržavy zajaviŭ u intervju «Jeŭrańjus»
Dla biełaruska‑rasijskaha hazavaha kanfliktu absalutna nie było ekanamičnych pryčyn. Pra heta 24 červienia zajaviŭ Alaksandr Łukašenka ŭ intervju telekanału «Jeŭrańjus».
«Heta absalutna biespadstaŭnaja sprečka z pazicyi Rasii. Ale hałoŭnaje, što sprečka ŭźnikła tady, kali «Hazprom» vinavaty nam byŭ za tranzit (a tranzit uviazany z pastaŭkami ŭ Biełaruś) 260 młn. dołaraŭ, a my im vinavatyja byli 190 młn., navat 187 młn. dołaraŭ. Jany heta pryznali, i my im zapłacili hetyja 187 młn. dołaraŭ», — cytuje Łukašenku pres‑słužba prezidenta.
Kiraŭnik dziaržavy padkreśliŭ, što «dla kanfliktu absalutna nie było pryčyn». Akramia taho, biełaruski bok prasiŭ ab adterminoŭcy ŭ dva tydni dla pahašeńnia doŭhu,
«ale našy sajuźniki, samyja blizkija nam ludzi, skazali: «Nie, ni dnia čakać nie budziem».
U intervju »Jeŭrańjus» Łukašenka dakładna rastłumačyŭ biełaruskuju pazicyju ŭ hazavaj sprečcy z Rasijaj i toje, što doŭh «Hazproma» ŭ 260 młn. dołaraŭ nazapasiŭsia jašče z kanca 2009 hoda. Prezident źviarnuŭ uvahu na «adnabakovaje i tendencyjnaje aśviatleńnie sprečki, što ŭźnikła ŭ rasijskich ŚMI, jakija abychodzili bokam fakt doŭhu «Hazproma» za tranzit hazu».
Akramia taho, Łukašenka vykazaŭ svajo mierkavańnie pra toje, ci źjaŭlajecca hazavaja sprečka svojeasablivym mietadam ucisku na Biełaruś z boku Rasii, raskazaŭ ab svaim bačańni pierśpiektyŭ uzajemaadnosin našaj krainy z Rasijaj i Jeŭrasajuzam. Taksama biełaruski lider zakranuŭ temu majučych adbycca prezidenckich vybaraŭ u Biełarusi — vierahodnaści i ŭmoŭ svajho ŭdziełu ŭ ich.
Zapis intervju telehledačy zmohuć ubačyć 25 červienia ŭ viačernim efiry telekanała «Jeŭrańjus», a poŭnaja viersija intervju u hety ž dzień budzie pakazana ŭ viačernim efiry Pieršaha nacyjanalnaha telekanała.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ124
Kamientary