U 2010 hodzie Biełaruś budzie zabiaśpiečana płodaaharodninnaj pradukcyjaj u dastatkovaj kolkaści. Pra heta paviedamiŭ 3 žniŭnia napres-kanfierencyi namieśnik ministra sielskaj haspadarki i charčavańnia Vasil Paŭłoŭski.
«Vałavy zbor aharodniny ŭ našaj krainie — 2.200–2.300 tys. ton, pry patrebie ŭ 1.700–1.800 tys. ton, — adznačyŭ namieśnik ministra. — Tamu my možam pradavać za miažu kala 500 tysiač ton płodaaharodninnaj pradukcyi».
Akramia taho, dadaŭ Paŭłoŭski, płanujecca vyrabić ciapličnych aharodninnych kultur bolš za 100 tysiač ton, ź ich 18–20 pracentaŭ iduć na prodaž, u asnoŭnym rasijskamu pakupniku.
Što da bulby, to, pavodle słoŭ Paŭłoŭskaha, asobnyja haspadarki nazyvajuć prahnoznyja ličby pa rańniaj bulbie — da 300 centnieraŭ z hiektara. U cełym pa krainie nazyvajuć ličby ŭ 187–190 centnieraŭ. «H.zn. 20–30 ton z hiektara my źbiarem, — miarkuje namieśnik ministra. — Pa poźniaj bulbie čakajecca nie mienšaja ŭradžajnaść. Uličvajučy našu patrebu, dumaju, my zmožam pradać za miažu kala 250 tysiač ton».
Taksama Paŭłoŭski zajaviŭ, što Biełaruś hatova admovicca ad zakupak impartnaj sielhastechniki.
Namieśnik ministra zaŭvažyŭ, što ŭ apošnija hady zakupki impartnaj sielhastechniki byli niaznačnymi i ažyćciaŭlalisia z ułasnych srodkaŭ sielhasarhanizacyj. Poruč z hetym pavialičvajucca pastaŭki ajčynnaj vysokapradukcyjnaj techniki. Tak, sioleta sielhasarhanizacyi atrymali 1.700 ajčynnych kambajnaŭ suprać 1.300–1.500 u minułyja hady. Šerah madelaŭ pa svaich charaktarystykach blizki da techniku suśvietnych vytvorcaŭ.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi16
Kamientary