U Litvie klijenty restaranaŭ zmohuć brać kredyt, kab raspłacicca pa rachunku
Niepłaciežazdolnyja klijenty restaranaŭ u Litvie dla apłaty rachunku zmohuć uziać tak zvany chutki kredyt na miescy.«Hetaja forma pradstaŭleńnia kredytu zručnaja ŭsim: i nam jak kredytnaj ustanovie, i restaranam, i klijentam», — zajaviŭ Hiedyminas Vialička, hiendyrektar kampanii SMScredit.lt, jakaja prapanavała navinku. Dla atrymańnia «restarannaha kredytu» treba zapoŭnić śpiecyjalny błank i z paśviedčańniem asoby ŭručyć aficyjantu. Dalej kansultant kredytnaj kampanii pierapravieryć asabistyja dadzienyja čałavieka, i kali ŭsio dakładna, hrošy adrazu pastupiać na bankaŭski rachunak klijenta.
Novaja pasłuha dajecca ŭ sietkach najbolš papularnych kaviarniaŭ i restaranaŭ u dziesiaci haradach krainy. Pazyčyć takim čynam biez zakładu možna ad 5 litaŭ (1,5 jeŭra) da 1 tysiačy litaŭ (290 jeŭra). Najbolš papularny chutki kredyt, jaki taksama možna ŭziać z dapamohaj internetu, telefonnaha zvanka, paviedamleńnia z mabilnaha telefona, — 500 litaŭ (145 jeŭra). Takuju sumu zamaŭlajuć 80% klijentaŭ.
Kamientary