«Jon lažaŭ na ziamli i nie padavaŭ nijakich znakaŭ žyćcia» — šukajem čałavieka
Ci viedajecie vy niešta pra los čałavieka, źbitaha na płoščy Niezaležnaści da nieprytomnaści kala 23.45 19 śniežnia? Kali tak, pišycie ŭ kamientarach.
U Redakcyju «Našaj Nivy» pryjšoŭ małady čałaviek, jaki na ŭmovach ananimnaści (baicca pieraśledu) raspavioŭ pra toje, jak staŭ śviedkam źbićcia čałavieka hrupaj śpiecnazaŭcaŭ na płoščy Niezaležnaści 19 śniežnia.Źbitym byŭ mužčyna siaredniaha vieku, jakoha zakatavali nastolki, što jon straciŭ prytomnaść. Tady milicyjanty abstupili achviaru, sprabavali pryvieści ŭ zmysły, a kali nie ŭdałosia, kinulisia pa «chutkuju dapamohu». Źbity byŭ nieprytomny, tolki cieła ŭ jaho źlohku reflektorna torhałasia. Kamiak vaty z našatyrnym śpirtam, jaki pakłali čałavieku na tvar, vyniku nie daŭ. Čałavieka zakinuli ŭ chutkuju, i taja praciahły čas nie ruchałasia ź miesca.
Kaniec taho samaha epizoda naziraŭ na svaje vočy adzin z reparcioraŭ «Našaj Nivy».Jon bačyŭ, jak adzin z amonaŭcaŭ trymaŭ hałavu źbitaha pryŭźniataj, padkłaŭšy pad patylicu svaju dałoń. Hałava torhałasia. Heta adbyvałasia miž 23.45 i 0.00 pamiž kaladnaj jalinaj i ŭvachodam u mietro «Płošča Lenina», la kromki prajeznaj častki praśpiekta Niezaležnaści. Paviedamleńnie pra hety epizod było raźmieščanaje na sajcie haziety a 0.11 20 śniežnia.
Ci viedajecie vy niešta pra los źbitaha čałavieka? Kali tak, pišycie ŭ kamientarach.
Nieŭzabavie paśla publikacyi hetaha materyjału čytačy dasłali ŭ Redakcyju videa zdareńnia, zroblenaje mabilnym telefonam. Jaho aŭtar prajazdžaŭ płoščaj Niezaležnaści akurat u toj momant, kali z «chutkaj» dastali nasiłki i hruzili na ich paciarpiełaha. Na videa heta možna razhledzieć:
***
10 studzienia, 09:26
Čytač u kamientarach dasłaŭ spasyłku na fota, zroblenaje z aŭtamabila.
Kamientary