U Maskvie praciahvajucca pieramovy adnosna pastavak rasiejskaj nafty ŭ Biełaruś u 2011 hodzie. Tym časam syravina na biełaruskija naftapierapracoŭčyja zavody nie pastupaje.
Jak paviedamili Ahienctvu naftavaj infarmacyi ŭ Ministerstvie enerhietyki Rasiei, u suviazi sa źmienaj režymu spahnańnia pošlinaŭ, unosiacca adpaviednyja karektyvy ŭ kantrakty. Ciapier pieramovy viaducca vyklučna pamiž haspadarčymi subjektami.
U naftavaj kampanii «Rośniefť», u svaju čarhu, paćvierdzili, što pastaŭki nafty na biełaruskija NPZ nie ažyćciaŭlajucca, pakolki kampanija znachodzicca ŭ stadyi pieramovaŭ ź biełaruskimi partnerami adnosna ŭmovaŭ prodažu nafty i jaje pierapracoŭki. U kampanii «ŁUKOJŁ» taksama skazali, što ad pačatku studzienia pastavak u Biełaruś nie było.
Jak paviedamlaje «Interfaks», abodva NPZ Biełarusi pracujuć na resursach, jakija pastupajuć u ramkach śniežańskich kantraktaŭ. Pavodle raźlikaŭ kancernu «Biełnaftachim», hetych zapasaŭ, uklučna z venesuelskaj naftaj, chopić na 20 dzion
Nahadajem, što, niahledziačy na padpisanyja i ratyfikavanyja pahadnieńni ab Adzinaj ekanamičnaj prastory, biazmytnaja nafta ŭ 2011 hodzie ŭ Biełaruś pastupać tak i nie pačała.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary