Asudžanamu pa spravie ab masavych biesparadkach rasijaninu Arciomu Breusu nie pradoŭžyli rehistracyju pa adrasie pražyvańnia, paviedamlajuć pravaabaroncy.
Hramadzianin Rasii byŭ zarehistravany pa adrasie svajoj babuli ŭ Minsku.
U adpaviednaści ź biełaruskim zakanadaŭstvam biez rehistracyi hramadzianin inšaj krainy nie moža atrymać vid na žycharstva. Rehistracyja i pastajannaje pražyvańnie ŭ krainie dazvalajuć z časam atrymać biełaruskaje hramadzianstva.
Nahadajem, što 10 sakavika sudździa Maskoŭskaha rajona Minska Luboŭ Simachina pryhavaryła Breusa i jašče adnaho rasijanina Ivana Haponava da štrafu ŭ pamiery 300 bazavych vieličyń (10,5 młn. rubloŭ) kožnaha. Jany byli vyzvalenyja ŭ zale suda pad padpisku ab niavyjeździe.
Rasijanie pryznanyja vinavatymi ŭ aktyŭnym udziele ŭ masavych biesparadkach, jakija supravadžalisia pahromami, uzbrojenym supraciŭleńni pradstaŭnikam ułady i naniasieńni paškodžańniaŭ supracoŭnikam milicyi (častka 2 artykuła 293 KK).
Kamientary