Z takoj prablemaj užo sutyknuŭsia «Intex-press» i «Briestskij kuŕjer».
Z takoj prablemaj užo sutyknuŭsia «Intex-press» i «Briestskij kuŕjer».
Kiraŭnictva Škłoŭskaha zavoda hazietnaj papiery paviedamiła, što prypyniaje vypusk pradukcyi na miesiac u suviazi z zakančeńniem budaŭničych pracaŭ. Pry hetym dyrektar zavoda Anatol Chmialeŭski zapeŭniŭ, što heta «ni ŭ jakaj miery nie adabjecca na našych biełaruskich spažyŭcach, my zabiaśpiečym ich patreby ŭ našaj pradukcyi ŭ poŭnaj miery». Adnak pres-słužbie BAŽ namieśnik dyrektara zavoda Aleh Padabied patłumačyŭ, što padychod u zabieśpiačeńni papieraj dziaržaŭnych i niedziaržaŭnych ŚMI budzie roznym.
«Usie ŚMI, jakija raniej byli ŭ «dziaržzakazie» my, viadoma, budziem zabiaśpiečvać papieraj, dla astatnich budziem vystaŭlać našu pradukcyju na biržu»,— zajaviŭ jon. Bolš za toje, pa jaho słovach, takaja situacyja z kuplaj hazietnaj papiery budzie zachoŭvacca nie tolki na čas budaŭničych pracaŭ na zavodzie, a stanie stałaj praktykaj. «Nam siońnia vyhadniej pradavać papieru na ekspart, čym biełaruskim pierakupščykam», — adznačaŭ A.Padabied. Na pytańnie pres-słužby BAŽ, što budzie, kali redakcyi biełaruskich ŚMI źviernucca da administracyi pradpryjemstva z žadańniem zaklučyć damovu na pakupku pradukcyi, jon adkazaŭ:
«Ja nie kažu, što my nie budziem zaklučać novych damovaŭ. Ale my starajemsia ŭzhadniać takija pytańni ź Ministerstvam infarmacyi. Raniej my stajali na kaleniach i prasili ŭ ich, kab našu papieru nabyvali, ciapier jany… My ź imi budziem razmaŭlać asobna».
Asablivaści «razmovy paasobku» ŭžo adčuli na sabie redaktary niezaležnych vydańniaŭ Brestčyny. Redaktar baranavickaj haziety «Intex-press» Uładzimir Janukievič raskazaŭ «NN», što
ŭ adździele prodažaŭ pradukcyi škłoŭskaha zavoda jamu admovili ŭ nabyćci čarhovaj partyi papiery. Nibyta pastupiŭ zahad z vyšejšych instancyj nie pradavać papieru niedziaržaŭnym ŚMI, a całkam pieraklučycca na zabieśpiačeńnie patrebaŭ dziaržaŭnych vydańniaŭ.Pry hetym nie ŭdakładniałasia, ci adnović zavod pastaŭki papiery niezaležnym vydańniam paśla ramontu, ci spynić ich zusim.
Redakcyja «IP» mieła doŭhaterminovuju damovu sa škłoŭskim zavodam. «Ciapier budziem vyvučać tuju damovu, što možna zrabić jaje u ramkach», — kaža redaktar. Pa jaho słovach, redakcyi treba rychtavacca da ciažkich časoŭ. Uładzimir Janukievič nie vyklučaje zakryćcia prajektaŭ vydańnia, skaračeńnia nakładu. Alternatyva škłoŭskaj papiery — rasijskaja pradukcyja. Jana nadzvyčaj darahaja. «Za kožnuju tonu rasijskaj papiery my budziem pierapłačvać pa 1 600 000 rubloŭ, a ŭsiaho nam treba kala 20 ton na adzin vypusk».
Z toj samaj prablemaj sutyknułasia redakcyja «Briestskoho kuŕjera». «Siońnia ranicaj my telefanavali ŭ Škłoŭ i nam taksama zajavili pra zabaronu prodažu papiery niedziaržaŭnym vydańniam», — paviedamiŭ redaktar «BK» Mikałaj Alaksandraŭ.
Na jaho dumku, heta źjaŭlajecca kałasalnym parušeńniem raŭnapraŭja subjektaŭ haspadarańnia.«My ŭžo pryceńvalisia da rasijskaj papiery — heta prosta šalonyja ceny», — kaža redaktar. Pa słovach M.Alaksandrava, hazieta praciahnie vychad. «Bastavać dakładna nie budziem, čytačy nas čakajuć».
U razhublenaści i redaktar «Haziety Słonimskaj» Viktar Vaładaščuk. Apošniuju partyju papiery redakcyja «HS» nabyvała akurat u Škłovie.
A voś hazieta «Borisovskije novosti» užo piać hadoŭ nabyvaje papieru ŭ pryvatnaha pradaŭca. «Nas heta prablema nie začapiła», — paviedamiŭ hałoŭny redaktar vydańnia Anatol Bukas.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ13
Kamientary