Sud nad kniharom Alesiem Jaŭdacham praciahniecca da 12 žniŭnia
Zasnavalniku biełaruskamoŭnaha siervisu «Knihi — poštaj» pahražaje pazbaŭleńnie svabody da troch hod.
Zasnavalniku biełaruskamoŭnaha siervisu «Knihi — poštaj» pahražaje pazbaŭleńnie svabody da troch hod.
16.45
Sud praciahnie pracu zaŭtra, 29 lipienia, a 10-j hadzinie. Siońnia pa abiedzie sudździa Šahraj zasłuchała dvuch śviedak, paviedamiŭ «NN» Aleś Jaŭdacha. Razhlad spravy zojmie 10 pracoŭnych dzion, sud musić skončycca 12 žniŭnia.
11.00
Sud pieraniesieny na 14-ju hadzinu z-za niajaŭki śviedak pa spravie.
Ich až 230, ale nivodzin ź ich nie źjaviŭsia.
Zasnavalnika siervisu «Knihi — poštaj» Alesia Jaŭdachu vinavaciać u niezakonnaj pradprymalnickaj dziejnaści pavodle č.1 art. 233 KK. Zhodna zakonu jamu pahražaje štraf, abo pazbaŭleńnie prava zajmać peŭnyja pasady, abo zajmacca peŭnaj dziejnaściu, abo aryšt na termin da šaści miesiacaŭ, abo abmiežavańnie svabody da dvuch hadoŭ, abo pazbaŭleńnie svabody da troch hod.
28 lipienia jaho spravu pačnuć razhladać u Kastryčnickim sudzie Minska (vuł. Siamaški, 33). Pačatak razhladu a 10-j.
Kamientary