«Łuka tut nie žyvie. Vybuch….»: Piensijanier z Homiela aštrafavany za nadpis
29 lipienia sud Centralnaha rajona Homiela pryznaŭ Uładzimira Niapomniaščych — piensijaniera MUS, člena Abjadnanaj hramadzianskaj partyi — vinavatym u drobnym chulihanstvie i pakaraŭ jaho štrafam u pamiery piaci bazavych vieličyniaŭ (175 tys. rubloŭ).
Niapomniaščych abvinavačvaŭsia ŭ tym, što 31 maja nanios nadpis «Łuka tut nie žyvie. Vybuch…." na papieradžalny płakat ab padazronych rečach. Płakat, a dakładniej arkuš papiery z zaklikam da hramadzian być pilnymi, byŭ raźmieščany milicyjaj va ŭniviermahu «Homiel».
Niapomniaščych źviarnuŭ uvahu sudździ na toje, što arkuš papiery nie źjaŭlajecca płakatam, tamu što nie maje vychadnych źviestak i nakładu. Jon nie pryznaŭ siabie vinavatym. «Ja nie parvaŭ hety arkuš papiery, nie zakreśliŭ tam ni adnoj litary, u maich dziejańniach niama drobnaha chulihanstva», — zajaviŭ u sudzie Niapomniaščych.
Svaje dziejańni jon rastłumačyŭ tym, što takija płakaty pałochajuć ludziej i siejuć strach u hramadstvie. «Terakt u minskim mietro raskryty, złačyncy ŭstanoŭleny — navošta pastajanna pałochać ludziej? Ja tolki chacieŭ supakoić hramadzian, chacieŭ napisać „Łuka tut nie žyvie, uzryvać niama kamu, śpicie spakojna“, ale nie dapisaŭ da kanca, tamu što mnie heta nie dała zrabić namieśnik dyrektara ŭniviermaha pa ideałahičnaj pracy», — rastłumačyŭ padsudny.
Niapomniaščych čakaŭ, što rašeńnie suda budzie nie na jaho karyść. «Tamu što ŭ nas sudovaja sistema padstrojena pad karnyja orhany — što karnyja orhany napišuć im, to jany i vykonvajuć. Tamu statui Fiemidy, jakaja staić u chole suda ź miačom i vahami, treba zamiest vahaŭ pryčapić telefon», — zajaviŭ člen AHP.
Ciapier čytajuć
Chto ź biełarusaŭ trapiŭ na pryjom da prezidenta Polščy ŠMAT FOTA36
Kamientary