«Dziełavy internet» projdzie va ŭsich abłasnych haradach
Kanfierencyja «Dziełavy internet» projdzie va ŭsich abłasnych haradach Biełarusi. Pra heta BiełaPAN paviedamili ŭ administracyi partała tut.by, jaki razam ź internet-pravajdaram «Atłant Telekam» źjaŭlajecca arhanizataram mierapryjemstva.
Pieršaja rehijanalnaja kanfierencyja «Dziełavy internet» adbudziecca 17 studzienia ŭ Homieli. Padčas jaje prahučać dakłady ab pierśpiektyvach raźvićcia bajnetu, tendencyjach navin Homiela, kupli chostynhu, biaśpiecy internetu, efiektyŭnaści internet-rekłamy.
U roli dakładčykaŭ vystupiać śpiecyjalisty-praktyki sa šmathadovym vopytam pracy ŭ hetaj śfiery: zasnavalnik UP «Nadziejnyja prahramy» Juryj Zisier, namieśnik dyrektara «Atłant Telekama» Andryjan Hurevič, dyrektar hoster.by Siarhiej Pavališaŭ, dyrektar PR-ahienctva JETS Alina Pravatorava, redaktar homielskaha partała «Mocnyja naviny» Pavieł Kuźniacoŭ, kiraŭnik anłajn-prajektaŭ «Biełpronta» Raman Šaternik i inšyja.
«My spadziajemsia, što temy, jakija aśviatlajucca ŭ miežach łakalnych kanfierencyj, stymulujuć słuchačoŭ da inicyjavańnia ŭłasnaha biźniesu, dapamohuć u raźvićci i prasoŭvańni ŭžo isnych prajektaŭ», — adznačyŭ namieśnik hienieralnaha dyrektara UP «Nadziejnyja prahramy» (tut.by) Alaksandr Čakan.
«Dziełavy internet» — štohadovaja kanfierencyja, jakaja pravodzicca z 2006 hoda. U miežach mierapryjemstva śpiecyjalisty haliny IT, raspracoŭki i markietynhu razhladajuć takija temy, jak aŭdytoryja biełaruskaha internetu, internet i dziaržava, E-learning, E-commerce, SEO, miedyjnaja i kantekstnaja rekłama ŭ internecie, internet-markietynh i PR, startapy.
Kamientary