Pry parušeńni ŭmoŭ pahadnieńnia nakont «Biełtranshaza».
«Hazpram» maje prava patrabavać ad uład Biełarusi vykupić za 5 młrd. dołaraŭ raniej pieradadzienyja rasijskaj kampanii akcyi AAT «Biełtranshaz» u vypadku nievykanańnia šerahu pałažeńniaŭ pahadnieńnia pamiž uradami dźviuch krain ab umovach
Vytrymki z pahadnieńnia, jakoje AAT «Hazpram» i Dziaržkamitet pa majomaści Biełarusi padpisali 25 listapada minułaha hoda ŭ Maskvie, publikuje RIA Novosti. Raniej źmiest hetaha dakumienta nie vydavaŭsia.
«Biełaruski bok abaviazvajecca pa patrabavańni AAT «Hazprom» vykupić usie raniej pieradadzienyja AAT «Hazpram» akcyi AAT «Biełtranshaz» za 5 miljardaŭ dalaraŭ, a taksama kampiensavać AAT «Hazpram» usie straty, jakija mohuć u jaho ŭźniknuć u suviazi z hetym «u vypadku nievykanańnia lubych sa zhadanych u dakumiencie ŭmoŭ», — paviedamlaje RIA Novosti.
Da takich umoŭ, u pryvatnaści, adnosiacca:— spažyvańnie zakuplajemaha ŭ AAT «Hazpram» hazu vyklučna na terytoryi Biełarusi;
— bieśpieraškodnaja i bieśpierabojnaja transparciroŭka pa terytoryi Biełarusi pryrodnaha hazu, jaki padajecca z terytoryi Rasii;
— vyklučnaje prava «Biełtranshaza» na zakupku pryrodnaha hazu, što vyvozicca z terytoryi Rasii i pryznačajecca dla spažyŭcoŭ Biełarusi;
— nievykarystańnie śpiecyjalnych pravoŭ pa kiravańni AAT «Biełtranshaz», jakija parušali b abo ŭščamlali abjom pravoŭ, dadzienych akcyjanieram «Biełtranshaza» ŭ adpaviednaści z zakanadaŭstvam ab haspadarčych tavarystvach, uklučajučy ŭviadzieńnie asablivaha prava («załatoj akcyi»)na ŭdzieł u kiravańni biełaruskim hazatranspartnym pradpryjemstvam;
— adsutnaść nie sankcyjanavanaha ŭłaśnikam pryrodnaha hazu adboru z patokaŭ hazu, što transpartujucca cieraz terytoryju Biełarusi;
— niaźmiennaść umoŭ karystańnia ziamielnymi ŭčastkami pad abjektami nieruchomaj majomaści biełaruskaha ŭčastka hazapravoda Jamał — Jeŭropa ŭ adpaviednaści z zakanadaŭstvam Biełarusi, jakoje dziejničaje na datu padpisańnia pahadnieńnia.
Nahadajem, paśla padpisańnia hetaha pahadnieńnia, jakoje praduhledžvała kuplu «Hazpramam» astatnich 50% akcyj AAT «Biełtranshaz», rasijski manapalist staŭ uładalnikam 100% akcyj biełaruskaj kampanii. Pieršyja 50% akcyj «Biełtranshaza» «Hazpram» vykupiŭ dolami na praciahu 2007–2010 hadoŭ.
«Hazpram» užo abnarodavaŭ rašeńnie pierajmienavać «Biełtranshaz» u «Hazpram transhaz Biełaruś».
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary