U Biełarusi praindeksavany pamiery standartnych padatkovych vylikaŭ, paviedamili karespandentu BIEŁTA ŭ Ministerstvie pa padatkach i zborach, kamientujučy źmianieńni, uniesienyja ŭ padatkovaje zakanadaŭstva z 2012 hoda adnosna fizičnych asob, u tym liku indyvidualnych pradprymalnikaŭ.
Standartnyja padatkovyja vyliki — heta lhota, jakaja pradastaŭlajecca hramadzianam u vyhladzie poŭnaha vyzvaleńnia ad vypłaty padachodnaha padatku peŭnaj sumy dachodu. Z 1 studzienia 2012 hoda pamier standartnaha padatkovaha vyliku, što pradastaŭlajecca płacielščykam, praindeksavany.
Tak, z 1 studzienia 2012 hoda standartny padatkovy vylik pa miescy asnoŭnaj raboty hramadzian, štomiesiačnyja dachody jakich nie pieravyšajuć Br2 młn. 680 tys., składzie Br440 tys.U 2011 hodzie taki vylik pradastaŭlaŭsia ŭ pamiery Br292 tys. tym hramadzianam, dachody jakich u miesiac nie pieravyšali Br1 młn. 766 tys. «Takim čynam, pavieličeńnie pamieru standartnaha padatkovaha vyliku pryviadzie da źmianšeńnia sumy dachodu, ź jakoha vyličvajecca padachodny padatak, i, adpaviedna, źmianšajecca sama suma padachodnaha padatku, jakaja padlahaje vypłacie ŭ biudžet», — adznačyli śpiecyjalisty ministerstva.
Taksama praindeksavany i inšyja standartnyja padatkovyja vyliki.
Vylik na dziaciej da 18 hadoŭ i ŭtrymancaŭ pavialičany z Br81 tys. da Br123 tys., a dla asob, jakija majuć prava na atrymańnie takoha vyliku ŭ pavyšanym pamiery (udovy, udaŭcy, adzinokija baćki, apiekuny, papiačycieli i inš.), — sa Br162 tys. da Br246 tys.Vylik asobnym katehoryjam płacielščykaŭ (invalidam pieršaj i druhoj hrup, invalidam ź dziacinstva, udzielnikam VAV i inš.) pavialičany z Br410 tys. da Br623 tys.
U metach dalejšaha źnižeńnia padatkovaj nahruzki z 1 studzienia 2012 hoda vyzvaleny ad padachodnaha padatku dachody hramadzian,
jakija majuć patrebu ŭ akazańni miedycynskaj dapamohi, u tym liku praviadzieńni apieracyj, atrymanyja imi ŭ vyhladzie biazvypłatnaj (sponsarskaj) dapamohi ad biełaruskich arhanizacyj i hramadzian Biełarusi.Takija dachody poŭnaściu vyzvalajucca ad padachodnaha padatku pry najaŭnaści adpaviednaha paćviardžeńnia, jakoje vydajecca ŭ paradku, ustanoŭlenym Ministerstvam achovy zdaroŭja Biełarusi. «U 2011 hodzie takija dachody vyzvalalisia ŭ miežach da 1 tys. bazavych vieličyń u hod, h.zn. u pamiery Br35 młn.», — adznačyli ŭ Ministerstvie pa padatkach i zborach.
Akramia taho, z 1 studzienia 2012 hoda ŭviedziena lhota adnosna dachodaŭ, atrymanych u vyhladzie apłaty koštu puciovak u
Taksama pavialičany pamier dachodaŭ, što nie abkładajucca padachodnym padatkam, nie źviazanych z vykanańniem pracoŭnych abaviazkaŭ, uklučajučy materyjalnuju dapamohu, padarunki, pryzy, apłatu koštu puciovak, strachavych pasłuh.Dla hramadzian, jakija atrymlivajuć takija dachody pa miescy asnoŭnaj raboty (słužby, vučoby), pamier dachodu, što nie abkładajecca padachodnym padatkam, pavialičany z Br5 młn. 250 tys. da Br8 młn. u hod, a pry atrymańni nazvanych dachodaŭ ad inšych arhanizacyj i indyvidualnych pradprymalnikaŭ — z Br350 tys. da Br530 tys. u hod.
Z 2012 hoda baćkam, jakija majuć dvoje i bolš dziaciej va ŭzroście da 18 hadoŭ, pradastaŭlena prava atrymańnia standartnaha padatkovaha vyliku na dziaciej u pavyšanym pamiery — Br246 tys. u miesiac. Raniej takoje prava pradastaŭlałasia baćkam pry ŭmovie najaŭnaści ŭ ich traich i bolš dziaciej va ŭzroście da 18 hadoŭ.
Dla spraščeńnia padatkovaha administravańnia z 1 studzienia 2012 hoda padatkovyja ahienty vyzvaleny ad abaviazku pieraličeńnia padachodnaha padatku za košt ułasnych srodkaŭ pry vydačy imi pazyk indyvidualnym pradprymalnikam abo pryvatnym nataryusam.
Tak, z 1 studzienia 2012 hoda abkładajucca adzinym padatkam dachody ad prodažu tavaraŭ z roźničnaj handlovaj sietki subjektam haspadarańnia. U suviazi z hetym vyklučajecca nieabchodnaść viadzieńnia takimi pradprymalnikami raździelnaha ŭliku dachodaŭ i prymianieńnia adnačasova roznych sistem padatkaabkładańnia. Raniej takija dachody abkładalisia abo ŭ ramkach ahulnaŭstanoŭlenaha paradku, abo sproščanaj sistemy padatkaabkładańnia, udakładnili ŭ MPZ.Akramia taho, sproščany paradak padatkaabkładańnia dachodaŭ pradprymalnikaŭ — płacielščykaŭ adzinaha padatku.
Uniesieny źmianieńni i ŭ praviły vyličeńnia adzinaha padatku.Tak, pavyšajučy kaeficyjent 2 da staŭki adzinaha padatku ciapier prymianiajecca pry roźničnym handli tavarami, na jakija ŭ pradprymalnika adsutničajuć dakumienty, što paćviardžajuć ich nabyćcio. Pry hetym nie maje značeńnia, ci źjaŭlajucca takija tavary zamiežnymi abo ajčynnymi. Raniej kaeficyjent 2 prymianiaŭsia tolki pry realizacyi zamiežnych tavaraŭ, niezaležna ad najaŭnaści dakumientaŭ na takija tavary.-
Kamientary