Napiaredadni Dnia Voli znanyja hramadskija dziejačy raspaŭsiudzili zajavu pra toje, što Radzie BNR jak biełaruskamu ŭradu ŭ vyhnańni nie moža być alternatyvy.
Zajavu padpisali Uładzimier Arłoŭ, Ryhor Baradulin, Lavon Barščeŭski, Hienadź Buraŭkin, Anatol Viarcinski, Alaksandar Vajtovič, Nił Hilevič, Radzim Harecki, Anatol Hryckievič, Hienadź Hrušavy, Viktar Dašuk, Siarhiej Zakońnikaŭ, Volha Ipatava, Viktar Kaźko, Uładzimier Kołas, Alaksiej Karol, Alaksandar Kraŭcevič, Mikoła Kupava, Valery Mazynski, Alaksiej Maračkin, Uładzimier Mackievič, Alaksandr Milinkievič, Uładzimier Niaklajeŭ, Nastaśsia Pałažanka, Uładzimier Padhoł, Taćciana Proćka, Piatro Sadoŭski, Hienadź Sahanovič, Pavał Sieviaryniec, Aleksandr Smalančuk, Anatol Sidarevič, Alaksiej Janukievič, Jazep Januškievič.
U svajoj zajavie padpisanty pišuć:
«U srodkach masavaj infarmacyi źjavilisia kamientary zamiežnych palitykaŭ z prapanovaj stvaryć biełaruski ŭrad u vyhnańni, jaki pradstaŭlaŭ by i adstojvaŭ nacyjanalnyja intaresy Respubliki Biełaruś za miažoj
Pryznajučy prava luboha hramadzianina luboj dziaržavy mieć svajo mierkavańnie adnosna ŭsiaho, što adbyvajecca ŭ Biełarusi, my taksama majem svajo mierkavańnie adnosna padobnych zaklikaŭ. Zamiežnaja inicyjatyva ŭ hetkim važnym i całkam biełaruskim pytańni stavić pad sumnieŭ zdolnaść biełarusaŭ samim vyznačycca va ŭłasnym losie. Situacyja ŭ Biełarusi napružanaja, kanfliktnaja, ale jana pavinna być vyrašanaja ŭnutry krainy.
Što da zamiežnaha pradstaŭniŭctva nacyjanalnych intaresaŭ BiełarusiU lehitymnaści hetaha pradstaŭnictva, kali nie ŭ farmalnaj, dyk u histaryčnaj i maralnaj, nie moža być sumnievu. Heta ŭrad abvieščanaj jašče ŭ 1918 hodzie Biełaruskaj Narodnaj Respubliki, pradstaŭniki jakoj va ŭsie časy samaachviarna zmahalisia mienavita za nacyjanalnyja intaresy Biełarusi. Najpierš -- za svabodu, niezaležnaść, demakrytyju. Mnohim ź ich heta abyšłosia najbolšym koštam. Žyćciom.pa-za aficyjnymi strukturami, dyk takoje pradstaŭnictva jość: Rada Biełaruskaj Narodnaj Respubliki.
Siońniašnija siabry Rady BNR, nie ŭciahnutyja ŭ paŭsiadzionnyja, u tym liku va ŭnutryapazicyjnyja vyśviatleńni adnosinaŭ, adstojvajuć mienavita ahulnabiełaruskija intaresy i źjaŭlajucca, jak i ich papiaredniki, hodnymi pradstaŭnikami biełaruskich diemakratyčnych sił i hramadzianskaj supolnaści za miežami krainy. Tamu ličym metazhodnym nie stvareńnie ŭ zamiežžy dadatkovaj «uradavaj» struktury, ad pačatku sumnieŭnaj u jaje lehitymnaści, a spryjańnie ŭ adstojvańni nacyjanalnych intaresaŭ Biełarusi Radzie BNR».
Ciapier čytajuć
Jaki Cichanoŭski bolš padabajecca Śviatłanie — Siarhiej-2020 ci Siarhiej-2025?3
Kamientary