Rabotnica Cyblijenka suprać Viktara Ivaškieviča

Padstavaj dla pazovu stała toje, što Viktar Ivaškievič zaklikaŭ eŭrapiejskija kampanii bajkatavać biełaruskija naftapradukty. Pavodle zysku Cyblijenka patrabuje ad Viktara Ivaškieviča 500 tysiač biełaruskich rubloŭ dla kampensacyi maralnych strataŭ, jakija nibyta nanieśli joj asabista vykazvańni Ivaškieviča. Taksama jana patrabuje, kab jon admoviŭsia ad dalejšych zaklikaŭ da sankcyj.

«Panarama" paviedamlaje, što sud pryniaŭ pazoŭ Cyblijenki i ŭ jakaści sudovaj miery abmiežavaŭ Viktaru Ivaškieviču vyjezd za miažu.

Aproč hetaha ŭ «Panaramie» byŭ pakazany siužet pra pasiedžańnie prafsajuznaj arhanizacyi AAT «Naftan». Žurnalisty BT śćviardžajuć, što na im byŭ pryniaty dakumant, jaki taksama asudžaje tych, chto zaklikaje prymianić ekanamičnyja sankcyi ŭ dačynieńni da Biełarusi. U dakumencie havorycca, što «rabotniki «Naftanu» pakidajuć za saboj prava padać u sud na hramadzianaŭ Ivaškieviča, Kalakina, Vusa i inšych».

Viktar Ivaškievič kaža: «Mnie nijakich pozvaŭ nie dasyłali, nie pieradavali, nijakich raśpisak pra toje, što mnie abmiežavany vyjezd, ja nie davaŭ. Nia viedaju, što za sud. Zatoje viedaju, što jašče z savieckich časoŭ na kožnym pradpryjemstvie jość takaja hrupa rabočych, jakija zvyčajna sadziać u prezydyjumie. Jany ščyra starajucca być kala načalstva. Jany voś raniej ustupali ŭ kamunistyčnuju partyju, siadzieli ŭ prezydyjumach, uvachodzili ŭ kamitety. Heta ŭsio praciah savieckich časoŭ. A ŭžo pry Stalinie jak kryčali «sabak da adkazu». Heta ž taksama rabili rabočyja-aktyvisty. Absalutna heta nia značyć, što takija nastroi ŭ masy ludziej. Pavodle apošniaha daśledavańnia NISEPD, 66% biełarusaŭ ličać, što treba vypuskać palitviaźniaŭ. Heta dla taho, kab unarmalavać adnosiny i źniać sankcyi. Treba vypuskać palitviaźniaŭ, i nia budzie razmovy pra sankcyi. A heta biazhłuzdy adkaz na sankcyi z boku Eŭraźźviazu. Heta niejki śmiešny ichny chod. Mianie bolš cikavić, nakolki publična hety sud budzie adbyvacca. Bo čym bolš jon budzie publičny, tym hučniej možna budzie padniać temu palitviaźniaŭ.

Siarhiej Kalakin byŭ jašče bolš kateharyčnym: ​​«Hłupstvy heta ŭsio. Hłupstva! Heta ŭsio taja ž pieśnia, što ŭ mianie skrali pašpart i tamu nie vypuskajuć za miažu. I tut ni pry čym hetyja rabotniki «Naftana», ich tam niama, heta ŭsio vydumki, chitryki KDB. Nijakaha zysku być nia moža, bo nie isnuje faktu, kali b Kalakin zaklikaŭ by da abmiežavańnia tavaraŭ «Naftanu» ci ŭvohule kali-niebudź kazaŭ pra «Naftan» ci pra Mazyrski NPZ. Ułady hulajuć u hulni. Jany bajaźliŭcy. Nia mohuć ščyra vykazacca pra toje, što jany parušajuć pravy hramadzianaŭ, u tym liku maje.

Nu jakija rabotniki «Naftanu» viedajuć majo proźvišča i što ja kažu?

• 0
• 0
• 0
• 0
• 0
• 0
• 0
• 0