Na pryjom z nahody Dnia Šviecyi sabrałasia až 450 haściej.
6 červienia pasolstva Šviecyi naładziła śviatočny pryjom u honar Dnia Šviecyi.
Pavinšavać bratniuju paŭnočnuju nacyju sabralisia pradstaŭniki akredytavanaha ŭ Biełarusi dypłamatyčnaha korpusu, biźnies-elity, dziaržaŭnych arhanizacyj, hramadskich abjadnańniaŭ, miedyj.
Na pryjom sabrałasia ažno 450 haściej. Kab być čutnym usim prysutnym u dvoryku pasolstva,
ambasadar Šviecyi Stefan Eryksan biasstrašna uskočyŭ na parapiet budynku pasolstva na Revalucyjnaj, 15.Spadar pasoł padziakavaŭ za vinšavańni i vykazaŭ upeŭnienaść u tym, što Biełaruś čakaje dobraja budučynia. Jak zaŭsiody, spadar pasoł pramaŭlaŭ pa-biełarusku.
Da słova, u časie śviata prajšła prezientacyja vydadzienaj šviedskaj ambasadaj knihi, pryśviečanaj historyi budynka, u jakim mieścicca ambasada.Budynak źjaŭlajecca architekturnaj kaštoŭnaściu. U 20-ja hady minułaha stahodździa ŭ budynku, jaki ciapier zajmaje šviedskaja ambasada, raźmiaščaŭsia Instytut biełaruskaj kultury (Inbiełkult), pieratvorany zatym u biełaruskuju Akademiju navuk.
Zdajecca, heta pieršaje ŭ Biełarusi vydańnie, pryśviečanaje historyi adnaho doma.
Pryjom byŭ taksama svojeasablivym adznačeńniem 50-hodździa pasła Eryksana. Nahadajem, što jon adznačyŭ jubilej u sakaviku, u časie adklikańnia pasłoŭ.
Kamientary