Prajekt rezalucyi PA ABSIE rekamienduje admovicca ad praviadzieńnia ČS pa chakiei ŭ Biełarusi
Prajekt rezalucyi Parłamienckaj asamblei ABSIE, jakaja rekamienduje Mižnarodnaj fiederacyi chakieja admovicca ad praviadzieńnia čempijanatu śvietu pa chakiei z šajbaj u 2014 hodzie ŭ Biełarusi, budzie razhledžany na siesii PA ABSIE ŭ Manaka 5–9 lipienia.
Jak paviedamlaje sakrataryjat Parłamienckaj asamblei, bolš jak 60 parłamientaryjaŭ z 21 dziaržavy — udzielnicy PA ABSIE stali saaŭtarami prajekta rezalucyi, jakaja rekamienduje admovicca ad praviadzieńnia čempijanatu śvietu pa chakiei na lodzie ŭ 2014 hodzie ŭ Biełarusi ŭ tym vypadku, kali ŭłady nie vyzvalać usich palityčnych źniavolenych, jakija ŭtrymlivajucca pad vartaj.
Rezalucyja zaklikaje biełaruskija ŭłady vyzvalić i apraŭdać usich palityčnych źniavolenych, a taksama pavažać viaršenstva zakona, svabodu srodkaŭ masavaj infarmacyi i svabodu pieramiaščeńnia.
Prajekt rezalucyi nastojliva zaklikaje ŭrad u Minsku pakłaści kaniec uciskam i pieraśledam u dačynieńni da prafsajuzaŭ, niezaležnych ŚMI i pravaabaroncaŭ; admianić chatni aryšt, nakładzieny na vypuščanych z turmaŭ palityčnych źniavolenych;dazvolić praviadzieńnie mižnarodnaha rasśledavańnia pa śćviardžeńniach ab katavańniach u turmach; dazvolić pradstaŭnikam PA ABSIE naviedvać palityčnych źniavolenych; viarnucca da razhladu zajavak na rehistracyju partyi «Biełaruskaja chryścijanskaja demakratyja» i niaŭradavaj pravaabarončaj arhanizacyi «Viasna», jakim nieadnarazova było admoŭlena ŭ rehistracyi biez naležnych padstaŭ.
«U chakiei za bojku vy atrymlivajecie piacichvilinny štraf, u Biełarusi — piać hadoŭ za mirnuju manifiestacyju, — zajaviŭ Toni Łojd (Vialikabrytanija).— U pieryjad, kali krainy robiać bolš žorstkimi sankcyi da Biełarusi, było b całkam niapravilna z našaha boku padarvać hetyja namahańni i ŭznaharodzić represiŭnyja pavodziny Minska praviadzieńniem mižnarodnaha mierapryjemstva i źviazanym ź ich finansavym prybytkam».
U 2010 hodzie Łojd uznačalvaŭ misiju ABSIE pa nazirańni za vybarami ŭ Biełarusi, padčas jakich sotni pratestujučych, uklučajučy aktyvistaŭ apazicyi i žurnalistaŭ, byli aryštavanyja, niekatoryja ź jakich znachodziacca i zaraz u turmie. Z 2010 hoda byli praviedzieny novyja aryšty i vyniesieny pryhavory, u tym liku i ŭ dačynieńni da viadomaha pravaabaroncy Alesia Bialackaha, jakoha pryhavaryli da čatyroch z pałovaj hadoŭ pazbaŭleńnia voli za ŭchileńnie ad upłaty padatkaŭ, źviazanaje ź jaho prafiesijnaj dziejnaściu ŭ pravaabarončym centry «Viasna».
Parłamienckaja Asambleja ABSIE składajecca z 320 parłamientaryjaŭ z 55 dziaržaŭ Jeŭropy, Centralnaj Azii i Paŭnočnaj Amieryki. Asambleja daje płatformu dla mižparłamienckaj dypłamatyi, viadzie nazirańnie za vybarami i ŭmacoŭvaje mižnarodnaje supracoŭnictva dla vykanańnia abaviazacielstvaŭ pa palityčnych, ekanamičnych i ekałahičnych pytańniach, a taksama biaśpiecy i pravach čałavieka.
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary