Polskaja spartoŭka pradaje miedal Hulniaŭ-2012, kab vyratavać piacihadovuju susiedku
Sierfinhistka Zofja Naceci-Klepacka vystaviła bronzu na aŭkcyjon.
Małaja pa imieni Zuzia, jakaja žyvie pa susiedstvie z 26-hadovaj miedalistkaj, pakutuje na ciažkaje chraničnaje zachvorvańnie — kistozny fibroz, jaki ŭpłyvaje na pracu praktyčna ŭsich unutranych orhanaŭ, vyklikajučy infiekcyi i prablemy z dychańniem. «Ja viedaju Zuziu z naradžeńnia, heta maja samaja addanaja prychilnica, jašče da pačatku Hulniaŭ ja paabiacała joj zrabić usio, kab zaniać pryzavoje miesca. Doŭhija hady ja nazirała, jak dziaŭčynka i jaje rodnyja pravodziać šmat času ŭ balnicy, a ciapier u mianie źjaviłasia mahčymaść dapamahčy», — cytuje Zofju Lifenews. Dziaŭčynka pieraniesła ŭžo piać apieracyj, rodnyja dziciaci ź ciažkaściu apłačvajuć vialikija miedycynskija rachunki. «My ŭsie spadziajemsia, što stan Zuzi možna palehčyć, dziela hetaha ja i pradaju miedal», — dadała spartoŭka. Data aŭkcyjonu jašče nie pryznačanaja, adnak Zofja paviedamlaje, što jon adbudziecca ŭžo chutka, i zaklikaje dobraachvotnikaŭ taksama achviaravać hrošy na lačeńnie jaje maleńkaj siabroŭki.
Alimpijskija spartoŭcy ŭžo nie pieršy raz pradajuć svaje ŭznaharody. Tak, załaty miedal Uładzimira Kličko z Hulniaŭ 1996 hoda ŭ Atłancie pajšoŭ z małatka za adzin miljon dalaraŭ u sakaviku 2012.
Kamientary